Павойнічкавыя

	Павойнічкавыя
	; Elatine hexandra
Навуковая класіфікацыя
Дамен:	Эўкарыёты
Царства:	Расліны
Аддзел:	Кветкавыя
Клас:	Двухдольныя
Парадак:	Вербакветныя
Сямейства:	Павойнічкавыя
Міжнародная навуковая назва
	Elatinaceae Dumort., 1829
Роды
	Гл. тэкст
ITIS	21400
NCBI	125023
EOL	4443
GRIN	f:404
IPNI	30013720-2
FW	55628

Павойнічкавыя^[1] (Elatinaceae) — сямейства кветкавых раслін парадку Вербакветныя.

Распаўсюджанне

Павойнічкі распаўсюджаныя па ўсім свеце, ад трапічных да ўмераных шырот, але найбольшай разнастайнасці дасягаюць менавіта ва ўмеранай зоне. Bergia расце ва ўмеранай зоне і тропіках Еўразіі і Афрыкі, адзін ці два віды выяўленыя ў Амерыцы. Цэнтрам біялагічнай разнастайнасці роду Bergia з’яўляюцца тропікі Старога Свету, тут жа найбольшай разнастайнасці дасягае ўсё сямейства. Ні адзін род не знойдзены ў арктычных экасістэмах.

Батанічнае апісанне

Прадстаўнікі першага роду (павойнічак) галоўным чынам з’яўляюцца воднымі травамі, а другога — паўкустарнікамі і кустамі.

Прадстаўнікі сямейства маюць невялікія двухполыя кветкі, сабраныя ў суквецці-завіткі або адзінкавыя, з 2-5 пялёсткамі. Лісце ў мутоўках або чарговыя, з залозкамі па краях і прылісткамі. Некаторыя водныя павойнічкі маюць рэдукаваную будову, што з’яўляецца адаптацыяй да воднага асяроддзя пражывання.

Гаспадарчае значэнне і прымяненне

Elatine hexandra, павойнічак сагнутасемянны (Elatine hydropiper) і Elatine macropoda часта вырошчваюць у акварыумах.

Роды

Па інфармацыі базы даных The Plant List (на ліпень 2016) сямейства ўключае 2 роды і 57 відаў^[2]:

Bergia, уключае 29 відаў
Elatine — Павойнічак, уключае 28 відаў

Зноскі

↑ Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 145. — 160 с. — 2 350 экз.
↑ Elatinaceae (англ.)(недаступная спасылка). The Plant List. Version 1.1. (13 чэрвеня 2013). Архівавана з першакрыніцы 17 чэрвеня 2017. Праверана 27 ліпеня 2016.