Пад’яварка (рака)

Пад’яварка
Характарыстыка
Даўжыня	35 км
Басейн	226 км²
Вадацёк
Выток
• Каардынаты	53°21′52″ пн. ш. 25°26′21″ у. д.HGЯO
Вусце
• Каардынаты	53°23′00″ пн. ш. 25°02′08″ у. д.HGЯO
Ухіл ракі	3,4 м/км
Размяшчэнне
Краіна	Беларусь
Рэгіён	Гродзенская вобласць
Раён	Дзятлаўскі раён
выток вусце
— выток, — вусце

Пад’я́варка, Пад’яво́рка — рака ў Дзятлаўскім раёне Гродзенскай вобласці, правы прыток ракі Шчара (басейн Нёмана). Даўжыня 35 км^[1]. Плошча вадазбору 226 км². Сярэдні нахіл воднай паверхні 3,4‰.

Пачынаецца на заходняй ускраіне Навагрудскага ўзвышша за 4,5 км на ўсход ад вёскі Явар, у сярэднім і ніжнім цячэнні цячэ сярод лясных масіваў, упадае ў Шчару на паўночны захад ад вёскі Вялікая Воля. Асноўныя прытокі — рэкі Скупа і Хлеўня. Даліна трапецападобная, яе шырыня 500—800 м, месцамі да 1,5 км. Пойма забалочаная, двухбаковая, шырынёй 50—150 м. Рэчышча звілістае, у вярхоўі на працягу 4,5 км каналізаванае. Каля вёсак Явар і Мядзвінавічы сажалкі (плошча адпаведна 0,25 і 0,09 км²).

У XVIII стагоддзі тэрыторыя ля ракі Пад’яваркі стала месцам здабычы балотнай руды для вытворчасці жалеза. У выніку тут з'явіўся населены пункт Руда Яварская. Належаў гэты руднік Радзівілам, якія валодалі таксама дваром Явар.

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.