Памятная манета «Замак Радзівілаў. Нясвіж»

Памятная манета «Замак Радзівілаў. Нясвіж» — беларускія юбілейныя манеты Нацыянальнага банка Беларусі ўведзеныя ў абарачэнне 16 лістапада 2004 года. Манета выбіта са серабра — наміналам 20 рублёў і медна-нікелевая — 1 рубель.

Манета ўваходзіць у серыю Помнікі архітэктуры Беларусі. У гэтай самай серыі выбіта яшчэ адна манета прысвечаная Нясвіжу — Фарны касцёл.

• проба серабра: 925
• намінал: 20 рублёў
• вага манеты: 33.63 г
• вага чыстага серабра: 31.1 г
• дыяметр: 38.61 мм
• якасць: «пруф»
• тыраж: 2000 асобнікаў
• кошт продажу ў НББ — 61 400 руб. без футарала

• намінал: 1 рубель
• вага манеты: 13.16 г
• дыяметр: 32 мм
• якасць: «пруф-лайк»
• тыраж: 2000 асобнікаў
• кошт продажу ў НББ — 6 510 руб. без футарала

Манета мае выгляд круга, рант манеты мае рыфленне.

• Аверс: у коле, з геаметрычным арнаментам, — выява дзяржаўнага герба Беларусі, унізе змешчаны год чаканкі, для срэбра — чыстая вага каштоўнага металю і проба; па крузе — надпісы: уверсе — «РЭСПУБЛІКА БЕЛАРУСЬ», долу — «ДВАЦЦАЦЬ РУБЛЁЎ» на сярэбранай і «АД3ІН РУБЕЛЬ» — на медна-нікелевай.
• Рэверс: па цэнтру — выява Замку Радзівілаў; уверсе — надпіс у тры радкі: «ПОМНІКІ АРХІТЭКТУРЫ БЕЛАРУСІ» і ў выглядзе старажытнай пячаткі змешчана дата: ХVI–XVII; унізе надпісы: «НЯСВІЖ», «ЗАМАК РАДЗІВІЛАЎ».

• Святлана Заскевіч

• АТ «Манетны двор Польшчы» (Варшава).

• Нацыянальны банк Рэспублікі Беларусь Архівавана 7 лютага 2009.