Пармелія адагнутая

Пармелія адагнутая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Пармеліевыя Род:  Гіпатрахіна Від:  Пармелія адагнутая
Міжнародная навуковая назва
Hypotrachyna revoluta (Flörke) Hale, 1975
Сістэматыка на Віківідах Выявы на Вікісховішчы NCBI   172619 EOL   193991 MB   342325

Пармелія адагнутая ці Гіпатрахіна адагнутая (Hypotrachyna revoluta) — від лішайнікаў рода Hypotrachyna сямейства Пармеліевыя.

Слаявіна ліставатая, часта з дрэнна развітымі сегментамі, невыразна разеткападобная, дыяметрам 4-10 см, амаль скурыстая. Лопасці шырынёй 3-6 мм, часта плоскія або ўвагнутыя, узыходныя, на канцах загінаюцца ўніз. Верхняя паверхня слаявіны свінцова-шэрая, больш цёмная ў цэнтры, з сарэдыямі; ніжняя - ад бурага да амаль чорнага колеру, па перыферыі бледна-жоўта-карычневая, бліскучая, з густымі чорнымі рызінамі, якія не даходзяць да краёў лопасцей. Саралі цёмна-шэрыя, карычневыя або аліўкавыя, галоўчатыя. Апатэцыі трапляюцца вельмі рэдка.

Утрымлівае атранарын і гірафоравую кіслату.

Пашырэнне: Еўропа, Азія, Амерыка, Аўстралія, Палінезія, Новая Зеландыя. Рэліктавы від субакіянічнай флоры трацічнага перыяду, арэал якога рэзка скарачаецца, і від знікае ў многіх краінах Цэнтральнай Еўропы. У Беларусі трапляецца спарадычна, расце на замшэлых ствалах вольхі чорнай, радзей на іншых ліставых дрэвах у забалочаных чорнавольхавых лясах. Размнажаецца вегетатыўна (сарэдыямі).

• Imbricaria sinuosa f. concentrica Arnold, 1870
• Parmelia forsteri Leight., 1869
• Parmelia laevigata var. forsteri (Leight.) Leight., 1869
• Parmelia quercina var. erratica (Linds.) Hillmann, 1936
• Parmelia revoluta Flörke, 1827
• Parmelia revoluta var. concentrica (Arnold) Cromb., 1894
• Parmelia revoluta var. erratica (Linds.) Zahlbr., 1929
• Parmelia sinuosa var. erratica Linds., 1859
• Parmelia sinuosa var. excentrica Mudd

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: Беларуская Энцыклапедыя, 1993. ISBN 5-85700-095-5

Гэты від занесены ў Чырвоную кнігу Беларусі і ахоўваецца законам. II катэгорыя (EN)

• Пармелія адагнутая ў Чырвонай кнізе Беларусі(недаступная спасылка)