Полацкая ЦЭЦ

Полацкая ЦЭЦ, філіял РУП «Віцебскэнерга»
Краіна	Беларусь
Месцазнаходжанне	Віцебская вобласць Полацк
Статус	дзеючая
Увод у эксплуатацыю	1946
На карце
Полацкая ЦЭЦ, філіял РУП «Віцебскэнерга»

Полацкая ЦЭЦ — цеплаэлектрацэнтраль, размешчаная ў горадзе Полацку Віцебскай вобласці. Філіял «Віцебскэнерга».

Гісторыя электрагаспадаркі Полацка пачалася ў 1912 годзе, калі была пабудавана невялікая прыватная электрастанцыя магутнасцю 50 кВт. У Першую сусветную вайну яна спыніла сваю работу і толькі ў 1921 годзе была запушчана зноў. Да пачатку 1940 года ў Полацку працавалі ўжо тры электрастанцыі. Адна з іх знаходзілася на тэрыторыі, дзе цяпер размешчана сярэдняя школа № 10.

Напярэдадні Вялікай Айчыннай вайны пачалося будаўніцтва новай электрастанцыі на тэрыторыі цяперашняй ЦЭЦ. У вайну яна была знішчана. У 1944 годзе на рацэ Палаце была пабудавана гідраэлектрастанцыя магутнасцю 115 кВт. У канцы 1946 года даў ток першы турбагенератар Полацкай ЦЭЦ магутнасцю 500 кВт.

У 1961 годзе была ўключана цепламагістраль на заводзе «Шкловалакно» і з гэтага моманту пачалася цеплафікацыя горада ад ЦЭЦ. У 1971 годзе Полацкая ЦЭЦ-1 увайшла ў склад Віцебскага прадпрыемства цеплавых сетак.

У 1993 годзе выведзена з яго складу і вылучана ў структурную адзінку вытворчага аб’яднання «Віцебскэнерга». У 1995 годзе ЦЭЦ пераведзена на прыродны газ. Сёння Полацкі энергавузел звязаны з энергасістэмамі Беларусі, Літвы і Расіі^[1].

• Пастернак, Т. В морозы будет тепло и светло / Т. Пастернак // Витебские вести. — 2016. — 4 авг. — С. 23.
• Факеев, В. Полоцкая ТЭЦ: большой урок для малой энергетики/ В. Факеев // Віцебскі рабочы. — 2003. — 17 мая. — С.3
• Шуйская, О. Полоцкая ТЭЦ: экзамен и задание на лето / О. Шуйская //Полацкі веснік. — 2009. — 15 мая. — С. 2.
• Шуйская, О. Время тепла и света / О. Шуйская // Полацкі веснік. — 2016. — 16 снеж. — С.3,7.