Політэхнічная (станцыя метро, Мінск)

Чацвёртая лінія
умоўныя абазначэнні
Цівалі Альшэўская Вяснянка Старавіленскі шлях Кіеўскі сквер Максіма Багдановіча Політэхнічная Друкарская Батанічны сад Сляпянка Даўгабродская Серабранка Козырава Праспект Міру Лакаматыўная Берасцейская Тучынка

«Політэхні́чная» (трансліт.: Politechničnaja, руск.: Политехническая) — запланаваная станцыя Чацвёртай лініі Мінскага метрапалітэна, якая будзе размешчана на скрыжаванні вуліц Сурганава і Якуба Коласа, паміж станцыямі «Максіма Багдановіча» і «Друкарская».

На праектных схемах развіцця Мінскага метрапалітэна першапачаткова была пазначана як «Сурганава» (руск.: Сурганова)^[1]. У маі 2017 года Мінскі гарадскі выканаўчы камітэт на сваім сайце распачаў галасаванне па выбары назваў новых станцый, станцыі было прапанавана надаць назву «Палітэхнічная»^[2][3], верагодна, ад размешчаных побач Беларускага нацыянальнага тэхнічнага ўніверсітэта (Палітэх) і Мінскага дзяржаўнага політэхнічнага каледжа.

18 студзеня 2018 года рашэннем Мінгарвыканкама была афіцыйна зацверджана назва «Політэхнічная»^[4].