Помнік Ансу Даўману

Помнік
Помнік Ансу Даўману
55°21′10″ пн. ш. 29°17′42″ у. д.HGЯO
Краіна	Беларусь
Гарадскі пасёлак	Обаль
Скульптар	В. Доўнар
Дата заснавання	1969
Дата пабудовы	1969 год
Матэрыял	бетон

Помнік Ансу Даўману — помнік-бюст у гарадскім пасёлку Обаль Шумілінскага раёна.

Помнік актыўнаму дзеячу рэвалюцыйнага руху ў Латвіі і герою грамадзянскай вайны Ансу Эрнеставічу Даўману знаходзіцца на вул. Піянерскай, каля школы. Пастаўлены ў 1969 г.

Скульптар помніка В. Доўнар. Помнік выраблены з бетону, вышыня бюста 1,1 м, прафіляванага пастамента — 2 м. Трактоўка вобраза абагульненая.

Бюст быццам выразаны з суцэльнага каменю. Дэталі адзення (будзёнаўка, каўнер шчыльна зашпіленага шыняля) падкрэсліваюць характэрныя прыкметы часоў грамадзянскай вайны, нагадваюць гераічныя дні барацьбы за Савецкую ўладу. Галоўная ўвага канцэнтруецца на суровым твары, які ўдала перадае партрэтнае падабенства героя. Асіметрычна трактаваныя, наўмысна буйныя, рэзкія застылыя зрэзы з’яўляюцца кантрасным фонам спакойнай пластыкі твару. У скульптуры адчуваюцца стрыманая гармонія аб’ёмаў, выразнасць кампазіцыйнай задумы^[1].

• Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мн., 1985. — С. 471.