Помнік Льву Сапегу (Лепель)

Помнік
Помнік Льву Сапегу
54°53′22″ пн. ш. 28°41′33″ у. д.HGЯO
Краіна	Беларусь
Горад	Лепель
Скульптар	Леў Аганаў
Дата заснавання	2010
Дата пабудовы	2010 год

Помнік Льву Сапегу — помнік у Лепелі Віцебскай вобласці Беларусі. Прысвечаны выдатнаму палітыку, дыпламату і дзяржаўнаму дзеячу Льву Сапегу, які ў 1586 годзе заснаваў за тры кіламетры ад старога горада Белы Лепель або Новы Лепель. Першы ў Беларусі помнік Льву Сапегу.

Ініцыятыва ўсталяваць помнік на беразе Лепельскага возера побач з касцёлам Святога Казіміра належала пробашчу мясцовай парафіі ксяндзу Андрэю Аніскевічу. Да ідэі дужа няўхвальна паставіліся мясцовыя праваслаўныя святары, адзін з якіх нават накіраваў ліст у гарвыканкам, каб помнік ставіць забаранілі. У першую чаргу таму, што Сапега нарадзіўся ў праваслаўнай сям’і, а пад канец жыцьця прыняў каталіцкую веру, а таксама з той нагоды, што ў яго часы Вялікае Княства Літоўскае і Рэч Паспалітая варагавалі з расійскай дзяржавай^[1].

Адкрыццё помніка адбылося 11 верасня 2010 года, у Дзень горада^[1].

Помнік стварыў скульптар Леў Аганаў. Агульная вышыня помніка з пастаментам складае каля 3,5 метраў. Бронзавая фігура Льва Сапегі стаіць, трымаючы ў правай руцэ булаву — сімвал гетманскай улады, а левай абапіраецца на эфес шляхецкай шаблі^[1].