Помнік Мікалаю Гастэлу (Радашковічы)

Помнік
Помнік Мікалаю Гастэлу
54°09′34″ пн. ш. 27°14′11″ у. д.HGЯO
Краіна	Беларусь
Месцазнаходжанне	Радашковічы
Скульптар	Заір Ісакавіч Азгур
Вышыня	5,5 м
Матэрыял	бронза і граніт

Помнік Мікалаю Францавічу Гастэлу — помнік у Радашковічах Мінскай вобласці, размешчаны ў скверы на плошчы Гастэлы. Прысвечаны Герою Савецкага Саюза Мікалаю Гастэлу (1907—1941), камандзіру эскадрыллі 207-га авіяпалка 42-й бамбардзіровачнай авіядывізіі ў час Вялікай Айчыннай вайны. З 22 чэрвеня 1941 года Гастэла ўдзельнічаў у баях супраць нямецка-фашысцкіх войскаў. 26 чэрвеня 1941 года здзейсніў таранны ўдар па калоне ворага і загінуў^[1].

Помнік уяўляе сабой бронзавы бюст Гастэлы на прамавугольным гранітным пастаменце. Аўтарам помніка з’яўляецца скульптар З. Азгур. Агульная вышыня манумента — 5,5 м, вышыня бюста — 1,5 м^[1].

Партрэт выкананы ў рэалістычнай манеры з дэталёвай прапрацоўкай элементаў. Выраз твару, выпрастаныя плечы, галава з гонарам узнятая ўгару — усё гэта падкрэслівае рашучасць і сілу характару героя. Вобраз дапоўнены форменнай скураной курткай і шлемам^[1].

• В. М. Барадуліна, Л. Г. Лапцэвіч. 1741. Помнік Гастэлу Мікалаю Францавічу // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1987. — Мінская вобласць. Кніга 2. — 308 с.: іл.