Помнік Піліпу Кавалёву (Клічаў)

Помнік
Помнік Піліпу Кавалёву
53°29′22,40″ пн. ш. 29°20′05,80″ у. д.HGЯO
Краіна	Беларусь
Месцазнаходжанне	Клічаў
Скульптар	Віктар Мікалаевіч Мурашоў
Будаўніцтва	3 ліпеня 1993

Помнік Піліпу Кавалёву — помнік у Клічаве, Герою Савецкага Саюза Піліпу Іванавічу Кавалёву, камандзіру групы падрыўнікоў 255-га партызанскага атрада. Размешчаны каля ДУА «Сярэдняя школа № 2 імя П. І. Кавалёва», завулак Пугачова, 4^[1]. Аўтар праекта помніка Віктар Мікалаевіч Мурашоў назваў яго «Мір вашаму дому»^[2].

3 ліпеня 1993 года, у дзень вызвалення Беларусі ад нацысцкай акупацыі, у Клічаве на тэрыторыі сярэдняй школы № 2 адбыўся мітынг, прысвечаны даце і адкрыццю помніка Герою Савецкага Саюза Піліпу Іванавічу Кавалёву. На адкрыцці былі ветэраны Вялікай Айчыннай вайны, жыхары раёна, навучэнцы школы, прадстаўнікі з Чэрыкаўскага раёна — радзімы Кавалёва. Адкрываў помнік старшыня раённага Савета дэпутатаў Міхаіл Аляксандравіч Сінкевіч^[3].

Скульптурная выява Піліпа Кавалёва ў поўны рост. За спінай, на правым плячы ён трымае аўтамат, прытрымлівае яго за рамень. У левай руцэ, кветка ружы, сімвал любові і міру. Каля ног уздымаюцца абломкі чыгуначнага палатна, нагадваючы пра падрыўную дзейнасць Кавалёва.