Понтапарэя роднасная

Понтапарэя роднасная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Вышэйшыя ракі Падклас:  Eumalacostraca Надатрад:  Peracarida Атрад:  Бакаплавы Падатрад:  Gammaridea Надсямейства:  Phoxocephaloidea Сямейства:  Pontoporeiidae Род:  Monoporeia Від:  Понтапарэя роднасная
Міжнародная навуковая назва
Monoporeia affinis Lindstrom, 1855
Сінонімы
Pontoporeia affinis
Сістэматыка на Віківідах Пошук выяў на Вікісховішчы ITIS   93968 EOL   1037843

Роднасная понтапарэя (Monoporeia affinis ці Pontoporeia affinis) — від ракападобных атрада бакаплаваў (Amphipoda).

Цела даўжынёй 8-10 мм, складаецца з 18 сегментаў (4 галаўныя, 14 тулаўныя) і падзяляецца на 3 аддзелы: галаўны, грудны і брушны. Галава ўтворана злітымі разам сегментамі з першым грудным і мае ротавыя прыдаткі. На кожным грудным і брушным сегменце размешчаны па пары канечнасцей, якія служаць для ўтрымання корму, перамяшчэння па паверхні грунту і ў тоўшчы вады, а таксама для дыхання. На заднім краі апошняга брушнога сегмента знаходзіцца пласцінка — тэльсон. Глыбокая выемка на тэльсоне, якая раздзяляе яго на 2 лопасці з 1-3 шыпікамі на канцы — вызначальная прыкмета понтапарэі. На спінным баку ўсіх брушных сегментаў вельмі кароткія, тонкія валаскі.

Насяляе азёры паўночнай часткі Еўропы, Паўночнай Амерыкі, Канады. Ледавікова-марскі рэлікт чацвярцічнага перыяду. Па тэрыторыі Беларусі праходзіць паўднёвая мяжа арэала, понтапарэя знойдзена ў азёрах Браслаўскай групы (Паўднёвы Воласа, Снуды).

Месцы пражывання: глыбокія алігатрофныя і мезатрофныя азёры з вялікай колькасцю кіслароду ў вадзе. Аддае перавагу глеістым і глеіста-пясчаным донным адкладам, размяшчаецца на глыбіні больш за 10 м пры нізкай тэмпературы.

Жыве на дне вадаёмаў. Працягласць жыцця да 3 гадоў. Палаваспелая на 2-3 годзе. Размнажэнне прымеркавана да асенне-зімняга перыяду. Самкі выношваюць яйкі ў вывадковай сумцы на працягу 3,5 месяца да поўнага развіцця малявак. Сярэдняя пладавітасць 16 яек.

Гэты від занесены ў Чырвоную кнігу Беларусі і ахоўваецца законам. III катэгорыя (VU)

Занесена ў Чырвоныя кнігі Беларусі і Літвы.

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мінск: Беларуская Энцыклапедыя, 1993. ISBN 5-85700-095-5

• Від Понтапарэя роднасная у Сусветным рэестры марскіх відаў (World Register of Marine Species) (англ.)