Праца (абутковая фабрыка)

ААТ «Праца»
Тып	Адкрытае акцыянернае таварыства
Заснаванне	1921
Ранейшыя назвы	Гомельская абутковая фабрыка «Праца»; Гомельскае вытворчае абутковае аб'яднанне «Праца»
Краіна	Беларусь
Размяшчэнне	Беларусь, г. Гомель, вул. Савецкая, 39
Галіна	Абутковая прамысловасць
Прадукцыя	спецыяльны і вайсковы абутак
Абарот	7165 тыс. руб. (2017)
Чысты прыбытак	43 тыс. руб. (2017)
Колькасць супрацоўнікаў	219 (2017)
Матчына кампанія	«Беллегпрам»
Сайт	oaotrud.by

ААТ «Праца» (Гомельская абутковая фабрыка «Праца»; руск.: ОАО «Труд») — беларускае абутковае прадпрыемства, якое месціцца ў Гомелі. Спецыялізуецца на вытворчасці спецыяльнага і вайсковага абутку.

Абутковая фабрыка «Праца» была створана ў 1921 годзе шляхам аб'яднання невялікіх майстэрняў^[1][2][3][4]. У 1963 годзе фабрыка была рэарганізавана ў Гомельскае абутковае вытворчае аб'яднанне «Праца», у 1971 годзе — у Гомельскае вытворчае абутковае аб'яднанне «Праца», у 2000 годзе — у Гомельскае рэспубліканскае абутковае ўнітарнае прадпрыемства «Праца», у 2009 годзе — ў адкрытае акцыянернае таварыства «Праца»^[2][1].

У 2015 годзе фабрыка вырабіла 208 тыс. пар абутку, у 2016 — 223 тыс. пар, у 2017 — 231 тыс. пар (вытворчая магутнасць складала 346 тыс. пар у год пры адназменным рэжыме працы). 97,5% абутку было рэалізавана ў Беларусі. У 2017 годзе выручка прадпрыемства склала 7165 тыс. руб., чысты прыбытак — 43 тыс. руб., рэнтабельнасць склала 5%. У 2017 годзе на прадпрыемстве працаваў 201 вытворчы работнік і 18 супрацоўнікаў апарата кіравання^[1].

• Афіцыйны сайт