Пётр Іванавіч Шуйскі

Пётр Іванавіч Шуйскі
Смерць	26 студзеня 1564[1]
Месца пахавання	Вільня
Род	Шуйскія
Бацька	Ivan Shuisky[d]
Дзеці	Ivan Shuisky[d]
Званне	ваявода
Медыяфайлы на Вікісховішчы

Пётр Іванавіч Шуйскі (пачатак XVI ст. — 1564) — маскоўскі арыстакрат, военачальнік.

З княжацкага роду Шуйскіх, сын Івана Васілевіча Шуйскага.

Вядомы на службе з 1540 года, баярын з 1550 года. Удзельнік Казанскіх паходаў 1547—1548 гадоў. Першы ваявода перадавога палка ў лютым 1547 года, намеснік пскоўскі з 1550 года.

Першы ваявода перадавога палка ў Казанскім паходзе 1550 года. Разам з князем Аляксандрам Гарбатым заснавальнік Свіяжска. Намеснік і вялікі ваявода свіяжскі (1552—1553), намеснік казанскі (1553—1557).

Першы ваявода вялікага палка (1558—1562) у Лівонскую вайну, ваявода вялікага палка ў паходзе 1563 года на Полацк пад камандаваннем князя старыцкага. Намеснік полацкі з 1563 года.

У бітве пад Чашнікамі 26 студзеня 1564 года пацярпеў паражэнне. Страціўшы ў бітве каня, пешшу прыйшоў у суседнюю вёску. Паводле некаторых звестак, пазнаўшы ў ім маскоўскага ваяводу, сяляне абрабавалі яго, а затым утапілі ў студні. Цела маскоўскага военачальніка знойдзена пераможцамі. У знак сваёй перамогі літоўскі ваявода Мікалай Радзівіл прывёз цела Шуйскага ў Вільню, дзе яго з ушанаваннямі пахавалі.

Дзеці:

• Іван Петравіч Шуйскі (памёр у 1587 годзе)
• Мікіта Пятровіч Шуйскі (забіты ў Маскве падчас пажару 24 мая 1571)

• Шуйский, Петр-Гурий Иванович // Русский биографический словарь : в 25-ти томах. — СПб.—М., 1896—1918. — Т. 23. — С. 514—515. (руск.)

• Шуйские, княжеский род // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.