Раміз Дэлаліч

Раміз Дэлаліч
Ramiz Delalić
Мянушка	Чэло
Дата нараджэння	15 лютага 1963
Месца нараджэння	Прыбой, Югаславія
Дата смерці	27 чэрвеня 2007
Месца смерці	Сараева, Боснія і Герцагавіна
Грамадзянства	БіГ
Прыналежнасць	Рэспубліка Боснія і Герцагавіна
Званне
Бітвы/войны	Забойства на вяселлі ў Сараеве Югаслаўскія войны Баснійская вайна Аблога Сараева

Раміз Дэлаліч (басн.: Ramiz Delalić; 15 лютага 1963(1963-02-15), Прыбай^[d] — 27 чэрвеня 2007(2007-06-27), Сараева), шырока вядомы пад мянушкай Чэло (басн.: Ćelo) — баснійскі арганізаваны злачынец^[ru], ваенны злачынец падчас Баснійскай вайны і камандзір 9-й горнай брыгады ў Сараеве. Вядомы за Забойства на вяселлі ў Сараеве, нагода пачатку Баснійскай вайны^[1].

Дэлаліч разам з Мушанам «Како» Тапалавічам былі двума баснійскімі злачынцамі, якія дапамагалі арганізаваць баснійскія ваенізаваныя фарміраванні ў Сараева. Іх банды «рэквізавалі» прыватныя транспартныя сродкі, прымушалі людзей капаць акопы на фронце, а таксама беспакарана забівалі, гвалцілі і рабавалі. У адрозненне ад іншых мясцовых гангстэраў, Дэлаліч заставаўся лаяльным афіцыйным палітычным і ваенным уладам Босніі на працягу ўсяго перыяду вайны. Мяркуецца, што ён быў вельмі блізкі з прэзідэнтам Босніі Аліяй Ізетбегавічам.

1 сакавіка 1992 года праваслаўна-сербская вясельная працэсія перад старой царквой у старым квартале Башчаршыі ў Сараеве падверглася нападу, у выніку чаго загінуў бацька жаніха, Нікола Гардавіч, і быў паранены сербскі праваслаўны святар. Некаторыя апазналі Дэлаліча як стралка. Аднак баснійскія мусульманскія ўлады прыклалі мала намаганняў, каб знайсці Раміза і прыцягнуць да адказнасці. 8 снежня 2004 года Дэлалічу было прад’яўлена абвінавачанне ў забойстве першай ступені ў сувязі з нападам на вяселле.

Дэлаліч быў застрэлены неўстаноўленымі ўзброенымі людзьмі ў Сараеве да завяршэння суда над ім. Ён быў забіты каля ўваходу ў свой жылы дом у цэнтры Сараева 27 чэрвеня 2007 года. Забойца чакаў Дэлаліча і стрэліў у яго двойчы. Адразу пасля стральбы прыбыла хуткая дапамога, аднак лекары неўзабаве канстатавалі смерць Дэлаліча. Паліцыя лічыла, што забойства было арганізавана Насерам Кельмендзі^[en], албанскім ураджэнцам Косава, наркагандляром і супернікам Дэлаліча. Дэлаліч быў пахаваны на могілках Ковачы ў Сараеве.

Яго таксама вінілі за ваенныя злачынствы супраць баснійскіх харватаў^[2]. Па адной з версій, Дэлаліч не забіваў Ніколк Гардавіча. Яго саўдзельнік Мухамед Швракіч выхваляўся тым, што ён — «Мусульманскі Гаўрыла Прынцып»^[3].