Рано Байзаеўна Шарыпава

.Рано Байзаеўна Шарыпава (27.2.1939, Ташкент, Узбекістан) — узбекская спявачка і ўрач^[1].

У 1963 годзе скончыла Ташкенцкі дзяржаўны медыцынскі інстытут. У 1963—1997 — урач-фізіятэрапеўт у паліклініцы 4-га Галоўнага Упраўлення Міністэрства аховы здароўя Узбекістана. З іх два гады, з 1978 па 1979 год, урач-фізіятэрапеўт у Крамлёўскай паліклініцы 4-га Галоўнага Упраўлення Міністэрства аховы здароўя СССР у Маскве^[1].

З 1964 па 2014 год — салістка эстрадна-сімфанічнага аркестра Дзяржтэлерадыё Узбекістана і Нацыянальнай тэлерадыёкампаніі рэспублікі Узбекістан.

На працягу сарака гадоў працавала адначасова ў дзвюх сферах^[1].

У Залатым фондзе Узбекскага радыё захоўваюцца запісы больш за 300 песень. У фондзе Узбекскага тэлебачання — дзясяткі сольных, музычных кіно і відэа, хранікальна-дакументальных праграм, знятых ва Узбекістане, у многіх рэспубліках былога Саюза^[1].

Была ўдзельніцай шматлікіх канцэртаў майстроў мастацтваў, у прыватнасці, на IV-м Усесаюзным фестывалі тэлефільмаў у Мінску, дзе дэманстраваўся музычны фільм-канцэрт «Спявае Рано Шарыпава». Удзельнічала ва Усесаюзным фестывалі «Маскоўская восень» у Крамлёўскім палацы з’ездаў^[1].

Замужам з 1960 года. Мае дваіх дзяцей — сына і дачку, 4-х унукаў і 4-х праўнукаў^[1].

• Простуженная пела без фонограммы, чем сильно удивила Пахмутову. Рано Шарипова — забытая советская певица (руск.)