Рыж­ская беларуская асноўная школа імя Янкі Купалы

Рыж­ская беларуская асноўная школа імя Янкі Купалы
Заснавана	1994 год
Закрыта	2024 год
Дырэктар	Анжэла Дзмітрыева (на 2021)
Тып	Асноўная школа
Вучняў	154 (на 2019)
Краіна	Латвія
Размяшчэнне	Рыга
Адрас	Латвія, г. Рыга, вул. Ілукстэс, 10
Сайт	jkbkps.lv

Рыж­ская беларуская асноўная школа імя Янкі Купалы (лат.: Jankas Kupalas Rīgas Baltkrievu pamatskola) — была адзінай беларускай школай ў Латвіі^[1]. У школе дзейнічаў музей, прысвечаны жыццю і творчасці Янкі Купалы, Якуба Коласа, Янкі Маўра^[1].

Выкладанне ў школе вялося на латышскай, беларускай і рускай мовах. Беларуская мова выкарыстоўвалася на ўроках мовы і літаратуры, а таксама на пазакласных мерапрыемствах^[1]. Многія прадметы выкладаліся білінгвальна (на латышскай і рускай або латышскай і беларускай мовах)^[2].

Галоўнай задачай школы паралельна з асваеннем навучальнай праграмы прызнавалася вучыць дзяцей беларускай мове, даваць магчымасць знаёміцца з нацыянальнай культурай, музыкай, гісторыяй і традыцыямі^[2].

У 1989 годзе пры сярэдняй школе № 15 горада Рыгі адкрыўся першы беларускі клас^[3]. У 1994 годзе набраліся чатыры класы, з якіх паўстала беларуская школа, атрымаўшы памяшканне занядбалага дзіцячага сада^[3]. Школа была адкрытая дзякуючы латвійскаму таварыству беларускай культуры «Світанак» і актыўнасці былога дырэктара Вячаслава Целеша^[2].

У 1998 годзе школа атрымала статус Рыжскай беларускай асноўнай, а ў 2011 годзе ёй было нададзенае імя беларускага класіка Янкі Купалы^[2]. Беларускае пасольства забяспечвала школу мастацкай літаратурай і падручнікамі, яе настаўнікі праходзяць курсы павышэння кваліфікацыі ў Беларусі. Мінская гімназія № 23 заключыла з Рыжскай беларускай школай дагавор аб супрацоўніцтве^[3].

17 чэрвеня 2010 года школа, паводле пастановы Рыжскай гарадской думы, пераехала ў будынак сярэдняй школы № 86 г. Рыгі^[1].

У лютым 2024 года стала вядома, што 31 жніўня гэтага года будзе ліквідавана Рыжская беларуская асноўная школа імя Янкі Купалы. Яна будзе далучана да 86-й Рыжскай сярэдняй школы^[4].

На 2010 год у беларускай школе было 9 класаў — 115 вучняў і 22 педагогі^[3]. На 2014 было ўжо 150 дзяцей^[2]. У 2019—2020 навучальным годзе ў школу паступіла 18 першакласнікаў^[5].

У школе дзейнічае дзіцячы вакальны гурт «Вавёрачка», гурток візуальнага мастацтва і гурток вырабу мяккіх цацак^[1].

• Вячаслаў Целеш
• Ганна Іванэ (2002—2018)^[1]
• Анжэла Дзмітрыева

• Ганна Іванэ. БЕЛАРУСКАЙ ШКОЛЕ Ў РЫЗЕ – 20 ГАДОЎ (бел.) // Прамень. — Март 7th, 2015.
• У Рызе вывучаюць Беларусь. Беларуская асноўная школа ў Рызе рыхтуецца да наваселля: з сёлетняга навучальнага года яна будзе займаць асобнае крыло сярэдняй школы № 86. (бел.) // Беларусь сегодня. — 18 АВГУСТА 2010.
• Вучымся жыць разам (бел.) // Беларусь сегодня. — 23 АПРЕЛЯ 2014.
• Ганна Іванэ. У Рызе — школа беларуская // Звязда. — 28.11.2019.
• Беларуская школа ў Рызе (бел.) // Пасольства Рэспублікі Беларусь ў Латвіі.