Савецкае шампанскае

Савецкае шампанскае
Савецкае шампанскае
	руск.: Советское шампанское
Краіна паходжання	СССР;
Год заснавання	1936
Тып	пеністае віно
	Медыяфайлы на Вікісховішчы

Саве́цкае шампа́нскае — марка пеністага віна, вытворчасць якога была распачата ў СССР у 1937 годзе, прызнаны брэнд на рынку алкагольнай прадукцыі СССР, а потым — краін СНД.

Марка «Савецкае шампанскае» была распрацавана ў 1928 годзе Саўнаргасам. У часы СССР гэта марка выкарыстоўвалася на ўсіх заводах, што выпускалі шампанскія віны. У БССР гэты напой вырабляўся з 1978 года Мінскім заводам шампанскіх вінаў^[1], які ў 2001 годзе быў пераназваны ў Мінскі завод пеністых вінаў.

За распрацоўку і шырокае ўкараненне ў прамысловасць новых тэхналогій і апаратуры вытворчасці шампанскіх вінаў рэзервуарным спосабам (Метад Шарма) Антон Фралоў-Багрэеў быў у 1942 годзе ганараваны Сталінскай прэміяй.

Правамернасць існавання назвы «Савецкае шампанскае» з’яўляецца спрэчнай, бо паводле міжнародных канвенцый шампанскім можна зваць толькі віно, вінаград для якога выгадаваны ў французскай правінцыі Шампань^[2]. У 1969 годзе быў зарэгістраваны таварны знак Soviet Sparkling («Савецкае пеністае»), пад якім «Савецкае шампанскае» вядома на Захадзе.