Самарскі дзяржаўны інстытут культуры

Самарскі дзяржаўны інстытут культуры
Заснаваны	1971
Краіна	Расія[1]
Размяшчэнне	Самара
Сайт	samgik.ru (руск.)

Самарскі дзяржаўны інстытут культуры (СДзІК, руск.: Самарский государственный институт культуры) — вышэйшая навучальная ўстанова ў горадзе Самара.

Заснаваны ў 1971 годзе як Куйбышаўскі дзяржаўны інстытут культуры, з 1991 — Самарскі дзяржаўны інстытут мастацтваў і культуры. У 1996 годзе інстытут быў пераўтвораны ў Самарскую дзяржаўную акадэмію культуры і мастацтваў. У 1996—2014 — Самарская дзяржаўная акадэмія культуры і мастацтваў.

Мае ліцэнзію на адукацыйную дзейнасць і з’яўляецца атэставанай і акрэдытаванай дзяржаўнай адукацыйнай установай вышэйшай прафесійнай адукацыі. У цяперашні час у склад акадэміі ўваходзяць 5 інстытутаў) і 31 кафедра.

Інстытут з’яўляецца буйным адукацыйна-навуковым цэнтрам Паволжа, творчай лабараторыяй, канцэртнай установай.

Інстытут размешчаны ў былым будынку Куйбышаўскага абласнога камітэта Камуністычнай партыі Савецкага Саюза. З 1993 года пасля абрання і па жнівень 2009 года рэктарам акадэміі была М. Г. Вохрышава, доктар педагагічных навук, прафесар, заслужаны работнік культуры Расійскай Федэрацыі, правадзейны член Міжнароднай акадэміі інфарматызацыі, кавалер Ордэна Пашаны. На гэтай пасадзе яе змяніла Э. А. Куруленка. 1 студзеня 2020 года ВНУ часова ўзначаліла Вольга Навумава, якая 24 мая 2021 года стала рэктарам СДзІК.

З восені 2010 года пачаў працу музычна-філарманічны цэнтр акадэміі «Кансерваторыя».