Самія Сулуху

Самія Сулуху
Самія Сулуху
	суахілі: Samia Suluhu Hassan
6-ы прэзідэнт Танзаніі[d]
	з 19 сакавіка 2021
Папярэднік	Джон Магуфулі
Нараджэнне	27 студзеня 1960 (65 гадоў); Makunduchi[d], Занзібар[d];
Дзеці	Wanu Hafidh Ameir[d]
Веравызнанне	іслам
Партыя	Чама Ча Мапіндузі[d];
Адукацыя	Манчэстэрскі ўніверсітэт; Southern New Hampshire University[d]; Mzumbe University[d]; The Open University of Tanzania[d]; Lumumba Secondary School[d];
Узнагароды	Time 100[d] (2022)
	Медыяфайлы на Вікісховішчы

Самія Хасан Сулуху (суахілі: Samia Hassan Suluhu; нар. 27 студзеня 1960) — танзанійскі палітык, якая прадстаўляе партыю Чама Ча Мапіндузі. Яна стала першай у гісторыі Танзаніі жанчынай, што заняла пасаду віцэ-прэзідэнта — пасля ўсеагульных выбараў 2015 года пры прэзідэнце Джоне Магуфулі^[2], а таксама першая жанчына на пасадзе прэзідэнта краіны (з 2021)^[3]^[4].

Была дэпутатам парламента з 2010 па 2015 год і дзяржаўным міністрам у кабінеце віцэ-прэзідэнта па пытаннях Саюза з 2010 года. Да гэтага яна займала пасаду міністра ў напалову аўтаномным рэгіёне Занзібар у адміністрацыі прэзідэнта Аману Каруме. У 2014 годзе была абрананамеснікам старшыні Устаноўчага сходу, якому даручана было падрыхтаваць праект новай Канстытуцыі краіны.

Біяграфія

Сулуху нарадзілася ў Султанаце Занзібар. Пасля завяршэння вучобы ў 1977 годзе была прынятая на працу клеркам у Міністэрства планавання і развіцця. У 1986 годзе скончыла інстытут развіцця менеджменту (цяпер Універсітэт Мзумбе) з дыпломам у вобласці дзяржаўнага кіравання.

Затым яна працавала на праекце, фінансаваным Сусветнай харчовай праграмай. Паміж 1992 і 1994 гадамі яна вучылася ва Універсітэце Манчэстэра, выпусціўшыся са ступенню магістра ў галіне эканомікі. У 2015 годзе атрымала ступень магістра ў галіне эканамічнага развіцця з дапамогай сумеснай праграмы Адкрытага ўніверсітэта Танзаніі і Універсітэта Паўднёвага Нью-Гэмпшыра.

Палітыкай занялася ў 2000 годзе. Была абрана ў Палату прадстаўнікоў Занзібара і атрымала міністэрскі партфель ад прэзідэнта Амані Карумэ, стаўшы адзінай высокапастаўленай жанчынай у яго кабінеце. Пасля перавыбрання ў 2005 годзе зноў была прызначаная міністрам, але ўжо на іншую пасаду.

У 2010 годзе была абрана ў Нацыянальны сход ад акругі Макундучы, атрымаўшы больш за 80 % галасоў^[5]. Прэзідэнт Джакая Кікветэ прызначыў яе міністрам па справах Саюза^[6].

У ліпені 2015 года кандыдат у прэзідэнты ад кіруючай сацыялістычнай партыі Чама Ча Мапіндузі Джон Магуфулі назваў яе сваім напарнікам на выбарах 2015 года^[7]. Іх тандэм перамог на прэзідэнцкіх выбарах^[8].

18 сакавіка 2021 года пасля смерці Джона Магуфулі стала новым прэзідэнтам.

У верасні 2021 года Самія Сулуху пацвердзіла, што мае намер балатавацца ў прэзідэнты ў 2025 годзе і такім чынам стаць першай абранай жанчынай-прэзідэнтам краіны, калі яна пераможа.