Свята-Міхайлаўская царква (Ізабелін)

Славутасць
Царква Святога Міхаіла Архангела
53°05′34″ пн. ш. 24°33′05″ у. д.HGЯO
Краіна	Беларусь
Вёска	Ізабелін
Канфесія	Беларуская праваслаўная царква
Епархія	Гродзенская і Ваўкавыская епархія
Архітэктурны стыль	барока
Дата заснавання	1778
Дата пабудовы	XVIII стагоддзе
Глобус Беларусі	globustut.by/izabelin_v/…
Медыяфайлы на Вікісховішчы

Царква Святога Міхаіла Архангела — праваслаўны храм у в. Ізабелін (Ваўкавыскі раён). Помнік архітэктуры барока. Пабудаваная ў другой палове XVIII ст. як касцёл (з 1863 г. царква).

Прамавугольны ў плане мураваны аб’ём накрыты двухсхільным дахам. У трохвугольны франтон галоўнага фасада «ўрэзана» аднаярусная чацверыковая званіца з шатровым верхам і цыбулепадобнай галоўкай у завяршэнні. Пазбаўленыя дэкору плоскасныя фасады рытмічна расчлянёны лучковымі аконнымі праёмамі і буйнымі лапаткамі, апяразаны нескладанага профілю карнізам. Уваход арганізаваны праз нізкі драўляны прытвор (1924 г.), які парушае стылявое адзінства будынку. У сцяне вузкага скляпеністага ўваходу сходы на другі ярус — памяшканне хораў, якія расчынены ў залу лучковай аркай з балюстрадай. Алтарнае памяшканне вылучанае ў агульнай прасторы зала дугамі бакавых капітальных сцен.

Абразы 18 ст.: «Зняцце з крыжа», «Параскева Шматпакутніца», «Укрыжаванне» (1796, мастак Антоній Лукашэвіч), «Тайная вячэра», «Спас Нерукатворны», «Уваскрасенне».

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• На Вікісховішчы ёсць медыяфайлы па тэме Свята-Міхайлаўская царква (Ізабелін)
• Свята-Міхайлаўская царква (Ізабелін) на сайце Radzima.org
• Свята-Міхайлаўская царква (Ізабелін) на сайце Глобус Беларусі (руск.)