Свята-Пакроўская царква (Алекшыцы)

Праваслаўны храм
Свята-Пакроўская царква
53°20′25″ пн. ш. 23°56′58″ у. д.HGЯO
Краіна	Беларусь
Аграгарадок	Алекшыцы
Канфесія	Беларуская праваслаўная царква
Епархія	Гродзенская і Ваўкавыская
Архітэктурны стыль	рэтраспектыўна-рускі
Архітэктар	Віктар Міхаэліс
Будаўніцтва	1865—1871 гады
Стан	дзейнічае
Глобус Беларусі	globustut.by/olekshicy/i…
Медыяфайлы на Вікісховішчы

Царква ў гонар Пакрова Прасвятой Багародзіцы — праваслаўны храм у в. Алекшыцы Бераставіцкага раёна Гродзенскай вобласці.

Пабудавана ў 1865—1871 гг. з цэглы паводле праекта гродзенскага губернскага архітэктара Віктара Міхаэліса.

Гісторыя папярэднага храма звязана з імем Ганны Міхайлаўны Масальскай, якая ў 1620 годзе завяшчала яму «сумы пенезеи на церковь заложения Илии Пророка в ымению Олексичах у повете городенском лежачое, где их милость панове родичи мои в церкви лежат».

Помнік архітэктуры рэтраспектыўна-рускага стылю. Кананічную аб’ёмна-прасторавую кампазіцыю складаюць 2-ярусная (васьмярык на чацверыку) званіца, прамавугольная трапезная і апсіда, кубападобны аб’ём малітоўнай залы. У сілуэце пануюць шацёр з макаўкай на званіцы і цыбулепадобны купал на 8-гранным барабане над цэнтральным аб’ёмам. У малюнку аконных праёмаў выкарыстана форма гатычнай стральчатай аркі. Інтэр’ер упрыгожаны насценнай размалёўкай.

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• Свята-Пакроўская царква (Алекшыцы) на сайце Radzima.org
• Свята-Пакроўская царква (Алекшыцы) на сайце Глобус Беларусі (руск.)