Свята-Пакроўская царква (Збляны)

Славутасць
Свята-Пакроўская царква
53°36′23,77″ пн. ш. 25°14′52,78″ у. д.HGЯO
Краіна	Беларусь
Вёска	Збляны
Канфесія	Беларуская праваслаўная царква
Епархія	Лідская епархія
Тып будынка	царква
Архітэктурны стыль	Псеўдарускі стыль
Будаўніцтва	1900
Статус	Гісторыка-культурная каштоўнасць Беларусі, шыфр 413Г000355шыфр 413Г000355
Стан	дзейнічае
Глобус Беларусі	globustut.by/zblyany/ind…
Медыяфайлы на Вікісховішчы

Свята-Пакроўская царква́ — праваслаўны храм у Зблянах Лідскага раёна. Помнік архітэктуры псеўдарускага стылю рэгіянальнага значэння^[1].

Знаходзіцца ў цэнтры вёскі. Пабудавана ў 1900 г. з цэглы на месцы драўлянага храма 1671 г. Адноўлена ў 1990 г.^[1].

Крыжова-купальны аднавежавы храм. Па падоўжнай планіровачнай восі размешчаны трох'ярусная званіца з купальным верхам і арачнай галерэяй, асноўны аб'ём з пяціграннай апсідай. У прасторавай кампазіцыі дамінуе купал асноўнага аб'ёму, устаноўлены на васьмігранным светлавым барабане. Архітэктурны дэкор уключае прафіляваны карніз, ліштвы арачных аконных праёмаў, вуглавыя лапаткі.

У інтэр'еры светлавы барабан падтрымліваюць падпружныя аркі, перакрыцці — цыліндрычныя скляпенні. Царква была вядома мясцовашанаваным абразом «Усіх гаротных радасць» («Пакроў Прасвятой Багародзіцы»), якая, паводле падання, у 1640 г. была размешчана ў капліцы, адкуль перанесена ў новы храм.^[1].

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
• Лаўрэш Леанід. Прыход ў Зблянах // Лідскі Летапісец. 2017. № 3(79). С. 30-48. // на pawet.net
• Парафіяне Зблянскай грэка-каталіцкай цэрквы у 1829 г. // на pawet.net

• На Вікісховішчы ёсць медыяфайлы па тэме Свята-Пакроўская царква (Збляны)

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 413Г000355

• Свята-Пакроўская царква (Збляны) на сайце Праваслаўная архітэктура Беларусі (бел.)
• Свята-Пакроўская царква (Збляны) на сайце Radzima.org
• Свята-Пакроўская царква (Збляны) на сайце Глобус Беларусі (руск.)
• Свята-Пакроўская царква (Збляны) на сайце «Архіварта»