Свята-Петра-Паўлаўская царква (Рыбакі)

Праваслаўны храм
Свята-Петра-Паўлаўская царква
54°31′28″ пн. ш. 26°24′03″ у. д.HGЯO
Краіна	Беларусь
Вёска	Рыбакі
Канфесія	БПЦ
Епархія	Лідская епархія
Дата заснавання	1936
Дата пабудовы	1936 год
Глобус Беларусі	globustut.by/rybaki/inde…

Свята-Петра-Паўлаўская царква — праваслаўны храм у в. Рыбакі, Смаргонскага раёна Гродзенскай вобласці. Знаходзіцца ў заходнім боку ад вёскі, на могілках.

Пабудавана ў 1936 годзе з бетонных блокаў.

Помнік архітэктуры з рысамі рэтраспектыўна-рускага стылю. Храм вырашаны прамавугольным у плане аб’ёмам пад двухсхільным дахам, над якім узведзены васьмігранны барабан з цыбулепадобным купалам. Да франтальнага фасада далучана двух’ярусная чацверыковая званіца, накрытая шатром з галоўкай. Прамавугольная апсіда пад двухсхільным дахам. Плоскасныя бакавыя фасады рытмічна расчлянёны прамавугольнымі аконнымі праёмамі.

Унутры малітоўная зала перакрыта драўляным корабавым скляпеннем, адкрыта ў васьмігранны светлавы барабан. Апсіда вылучана 1-ярусным драўляным іканастасам.

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• Свята-Петра-Паўлаўская царква (Рыбакі) на сайце Глобус Беларусі (руск.)
• Свята-Петра-Паўлаўская царква (Рыбакі) на сайце Radzima.org