Святы Мікалай (Маладзечна)

	Манаграміст M. B.[d]
	Святы Мікалай. 1751
Матэрыял	дошка для жывапісу[d] і яечная тэмпера
Тэхніка	тэмпера
	Нацыянальны мастацкі музей Рэспублікі Беларусь
	(інв. ДБЖ-28)

Святы Мікалай — абраз, створаны ў 1751 годзе і выяўлены ў Маладзечне. Захоўваецца ў Нацыянальным мастацкім музеі Рэспублікі Беларусь^[1].

Сюжэт

На беразе ракі стаіць Мікола ў светла-блакітным хітоне, ружовай епітрахілі, чырвоным на зялёнай падкладцы з пазалочанымі кветкамі сакасе, блакітным з пасярэбраным арнаментам амафоры і паліцы^[2]. На шыі грыўня з крыжам. На галаве ружовая з арнаментам барочнай формы мітра. На руках блакітныя з пасярэбраным арнаментам поручы. Правай рукой благаслаўляе, левай падтрымлівае знізу закрытае Евангелле ў карычневым абкладзе з драбніцай і навугольнікамі^[2]. На супрацьлеглым беразе ў зеляніне карычневыя базілікальныя цэрквы з чырвонымі купаламі, блакітныя горы, зялёныя ўзгоркі. Зверху на пазалочаным з раслінным арнаментам фоне, у ружова-блакітных воблаках Маці Боская з пакровам, благаслаўляючы Хрыстос у блакітным, ружовым, сінім адзенні з Евангеллем. Фон, німбы пазалочаныя, разьбяныя, арнаментаваныя^[2].

Паходжанне

Абраз выяўлены 14-й экспедыцыяй Дзяржаўнага мастацкага музея БССР у 1970 годзе на званіцы Пакроўскай царквы ў Маладзечне^[2].

Ікона раскрыта рэстаўратарам Інстытута «Расрэстаўрацыя» А. С. Чапурным пад кіраўніцтвам С. В. Філатава ў 1979 годзе ў Маскве^[2].

Рэстаўрацыя

Рэстаўрыраваны брыгадай рэстаўратараў Дзяржаўнага Рускага музея ў складзе І. В. Ярыгінай, С. І. Голубева, М. Г. Малкіна, А. Т. Дзеднянкова ў 1972—1975 гадах (Ленінград)^[2].

Выстаўкі

Тэмперны жывапіс Беларусі XV—XVIII стст. Мінск. 1988
Мастацтва барока ў Беларусі. Мінск. 1991
Мастацтва Міншчыны XVI—XVIII стст. Мінск. 1997
Датаваныя помнікі мастацтва Беларусі XVII—XVIII стст. Мінск. 2000
Іканапіс і разьба Беларусі XV—XVIII стст. Мінск. 2000

Зноскі

↑ Балыкина Е. Н. ШЕДЕВРЫ ИКОНОПИСИ БЕЛАРУСИ XII—XVIII ВВ. Архівавана 28 лютага 2021. (руск.)
↑ ^а ^б ^в ^г ^д ^е Жывапіс барока Беларусі / Аўт.-склад. Н. Ф. Высоцкая. — Мн.: БелЭН; МФКД.2003. — 304 с.:іл. С. 136—137.

[Балыкіна-1] Балыкина Е. Н. ШЕДЕВРЫ ИКОНОПИСИ БЕЛАРУСИ XII—XVIII ВВ. Архівавана 28 лютага 2021. (руск.)

[ЖББ-2] а ^б ^в ^г ^д ^е Жывапіс барока Беларусі / Аўт.-склад. Н. Ф. Высоцкая. — Мн.: БелЭН; МФКД.2003. — 304 с.:іл. С. 136—137.

[1]

[2]