Святы Радэрык

Святы Радэрык
Святы Радэрык
Род дзейнасці	прэсвітар
Месца нараджэння	Кабра[d], правінцыя Кордава, Андалусія, Іспанія;
Дата смерці	13 сакавіка 857
Месца смерці	Кордава, правінцыя Кордава, Андалусія, Іспанія;
Веравызнанне	Каталіцкая Царква

Святы Радэрык, або святы Радрыга (лац.: Rudericus, ісп. San Rodrigo, пакараны смерцю 13 сакавіка 857, Кордава) — адзін з кордаўскіх мучанікаў. Святы, шануецца Рымска-каталіцкай царквой (дзень памяці — 13 сакавіка).

Біяграфія

Паводле падання, Радэрык быў хрысціянскім святаром, які пражываў у горадзе Кабра і меў двух братоў, адзін з якіх быў мусульманінам. У час адной з боек, якія пачаліся паміж яго братамі, Радэрык паспрабаваў іх разняць, але тыя ўдваіх напалі на яго і моцна збілі. Калі Радэрык ачуўся, ён даведаўся, што яго брат-мусульманін абвінаваціў яго перад гарадскімі ўладамі ў адступніцтве ад ісламу і пераходзе ў хрысціянства. Гэта злачынства каралася смерцю, таму Радэрык уцёк з горада, але пазней быў апазнаны, схоплены і дастаўлены ў Кордаву. Зняволены ў турме, ён цвёрда працягваў трымацца хрысціянскай веры, за што 13 сакавіка 853 года, разам са сваім таварышам па зняволенню, святым Саламонам, быў пакараны. Цела Радэрыка было скінута ў Гвадалквівір, але пазней ізноў здабыта і пакладзена ў царкве Сан-Хінес.