Спаса-Праабражэнская царква (Дзятлава)

Праваслаўны храм
Спаса-Праабражэнская царква
53°27′51″ пн. ш. 25°23′54″ у. д.HGЯO
Краіна	Беларусь
Горад	Дзятлава
Канфесія	Праваслаўе
Епархія	Навагрудская
Благачынне	Дзятлаўскае
Архітэктурны стыль	псеўдарускі стыль
Дата пабудовы	XVIII стагоддзе
Матэрыял	драўніна
Стан	дзейнічае
Глобус Беларусі	globustut.by/dyatlovo/in…
Медыяфайлы на Вікісховішчы

Спаса-Праабражэнская царква — драўляны праваслаўны храм у горадзе Дзятлава Гродзенскай вобласці. Знаходзіцца ў цэнтры горада на вул. Перамогі, 1.

Першы храм быў пабудаваны ў 1508 годзе заснавальнікам горада князем Канстанцінам Астрожскім. Падчас аднаго з пажараў храм згарэў, і на яго месцы ў пачатку XVIII стагоддзя быў пабудаваны новы драўляны храм у выглядзе карабля^[1].

Храм пабудаваны ў традыцыях народнага дойлідства. Вырашана прамавугольным, працяглым па падоўжнай восі зрубам з 5-граннай апсідай і нізкімі па абодва яе бакі рызніцамі. Накрыта 2-схільным бляшаным дахам з вальмамі над апсідай і косымі застрэшкамі над рызніцамі. Па цэнтры даху ўрэзаны 8-гранны барабан з цыбулепадобнай галоўкай у завяршэнні. Гарызантальна ашаляваныя сцены рытмічна расчлянёны аконнымі праёмамі з фігурнымі пераплётамі і брусамі-сцяжкамі ў прасценках. Па цокальнай і фрызавай частках сцены апяразаны вертыкальна дэкаратыўнай шалёўкай^[2].

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• Спаса-Праабражэнская царква (Дзятлава) на сайце Глобус Беларусі (руск.)