Сталіца Эраўнд

«Сталіца Эраўнд» — спектакль, пастаўлены ў Рэспубліканскім тэатры беларускай драматургіі рэжысёрам Вольгай Саратокінай паводле п'есы Сяргея Гіргеля^[1].

Прэм'ера адбылася 2 мая 2007.

«Сталіца Эраўнд» — рэжысёрскі дэбют Вольгі Саратокінай (псэўданімам на момант прэм'еры — Сара Токіна), яе дыпломная работа пад мастацкім кіраўніцтвам Валерія Даніловіча^[2].

Першапачаткова п'еса, напісаная Сяргеем Гіргелем на рускай мове, не прызначалася для пастаноўкі ў Мінску і называлася «Масква радыяльная»; у 2006 годзе яна ўвайшла ў шорт-ліст міжнароднага конкурсу «Еўразія-2006». У маі таго ж году ў Цэнтры імя Меерхольда ў Маскве па п'есе быў пастаўлены спектакль «Масква кальцавая». У 2007 годзе Сяргей Гіргель перапрацаваў п'есу^[3], і яна была пастаўлена ў Рэспубліканскім тэатры беларускай драматургіі^[4].

Двое незнаёмыя паміж сабой мужчын вядуць размову ў пустым вагоне метро, які затрымаўся паміж станцыямі. Гэтая выпадковая сустрэча нечакана паварочвае на 180 градусаў усё тваё жыццё.

У спектаклі адбываюцца нечканыя павроты ад анекдоту — да песні, ад абсурду — да рамантыкі, і ад абыякавасці — да Любові^[1].

• Вольга Саратокіна — рэжысёр-пастаноўшчык
• Сяргей Гіргель — драматург
• Дзяніс Паршын — музыка і тэкст песень
• Цімур Каліноўскі — музычнае афармленне і аранжыроўка
• Алена Ігруша — мастак-сцэнограф

• Сухарэўскі — Дзяніс Паршын
• Кунцэвіч — Максім Паніматчанка

• Старонка спектакля на сайце РТБД Архівавана 1 чэрвеня 2015.