Станіслаў Дзмітрыевіч Стружкін

Станіслаў Дзмітрыевіч Стружкін (13 лістапада 1937, с. 1 Мая, Ліскінскі раён, Варонежская вобласць) — беларускі архітэктар.

Скончыў Беларускі політэхнічны інстытут у 1962 годзе. Працаваў кіраўніком групы архітэктараў у Белпрампраекце, майстэрні Белжылпраекта, вытворча-мантажнага ўчастку Беларускага ўпраўлення гідраметэаслужбы, з 1985 года — кіраўнік групы архітэктараў у Белдзяржпраекце.

Член Саюза архітэктараў СССР з 1967 года. Пражывае ў г. Мінск.

Асноўныя працы: завод гуматэхнічных вырабаў^[ru] у Барысаве (1965), будынак райкама партыі і райвыканкама Ленінскага раёна (1977), закрыты стралковы цір на стадыёне «Дынама» (1979), кінатэатр «Салют» (1980); у аўтарскім калектыве: блок 9-павярховых жылых дамоў па вул. Пуліхава (1971), кінатэатр «Сучаснік» (1976), ЗАГС Фрунзенскага раёна (1978), адміністрацыйна-лабараторны корпус інфекцыйнай бальніцы (1986) у Мінску, добраўпарадкаванне спартлагера «Стайкі» (1981).

• 
  9-павярховыя жылыя дамы па вул. Пуліхава
• 
  Адміністрацыя Ленінскага раёна
• 
  Кінатэатр «Салют»

• Стружкин Станислав Дмитриевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)