Станіслаў Францавіч Кулеш

Станіслаў Францавіч Кулеш (16 ліпеня 1960, пас. Беразінскае, Маладзечанскі раён, Мінская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Нарадзіўся 16 ліпеня 1960 года ў пас. Беразінскае Маладзечанскага раёна Мінскай вобласці.

Скончыў Беларускі політэхнічны інстытут, інжынер-механік; Акадэмію кіравання пры Кабінеце Міністраў Рэспублікі Беларусь, менеджар-эканаміст.

Служыў у радах Узброеных Сіл. Працаваў майстрам, старшым майстрам, начальнікам торфабрыкетнага завода «Беразінскі», старшынёй Гарадзілаўскага сельскага Савета, намеснікам дырэктара, галоўным механікам торфабрыкетнага завода «Беразінскі», дырэктарам ААТ «Беразінскае».

З'яўляўся дэпутатам Маладзечанскага сельскага, Маладзечанскага раённага Саветаў дэпутатаў, Мінскага абласнога Савета дэпутатаў дваццаць шостага склікання.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Узнагароджаны Ганаровай граматай Савета Міністраў Рэспублікі Беларусь.

Жанаты, мае дачку і сына.

• Дасье на сайце Палаты прадстаўнікоў Нацыянальнага сходу Рэспублікі Беларусь(недаступная спасылка) (бел.)