Стараверскія могілкі (Полацк)

Стараверскія могілкі
	; Надмагілле ў выглядзе каплічкі на магіле Сіманавых
	55°29′26″ пн. ш. 28°48′56″ у. д.HGЯO
Размяшчэнне
Краіна	Беларусь;
Вобласць	Віцебская вобласць
Раён	Полацкі раён
Месцазнаходжанне	Полацк
Медыяфайлы на Вікісховішчы

Стараверскія могілкі — могілкі ў Полацку, размешчаны ў раёне Грамы, па вуліцы Суворава, недалёка ад чыгуначнага вакзала. Ад пачатку Грамы былі вёскай старавераў, што збеглі ад гвалту ў Расіі ў XVII—XVIII стагоддзях^[1].

Могілкі захавалі стараверскі выгляд з характэрнымі васьміканцовымі крыжамі, стрэшкамі над імі^[1].

Найбольшую цікаўнасць можа выклікаць надмагільны помнік Даніле Парфенавічу (†09.07.1909) і Ірыне Мяленьцеўне (†27.10.1901) Сіманавым у выглядзе каплічкі. Падобныя помнікі стаялі раней на Чырвоных і Ксавераўскіх могілках, але цалкам захаваўся толькі гэты. Старэйшае з захаваных пахаваньняў належыць Міхаілу Данілавічу Чарнышову, які памёр 28.03.1879 г^[1].

На могілках пахаваныя вайскоўцы 51, 47, 90 дывізій 22-га стралковага корпуса і 51 гвардзейскай дывізіі 23-га стралковага корпуса 6-й гвардзейскай арміі^[ru] 1-га Прыбалтыйскага фронту, што загінулі пры штурме цэнтра Полацка 2-4 ліпеня 1944 г. На магіле ў 1952 г. усталяваны помнік^[1].

Брацкія магілы на могілках «Грамы» па вул. Суворава ў г. Полацку Віцебскай вобласці — Гісторыка-культурная каштоўнасць Беларусі, шыфр 213Д000632шыфр 213Д000632.