Стараселле (стаянка)

Славутасць
Стараселле
44°44′42″ пн. ш. 33°53′52″ у. д.HGЯO
Краіна	Расія
Месцазнаходжанне	Бахчысарай Рэспубліка Крым

Старасе́лле^[1] — археалагічны помнік, стаянка эпохі палеаліту ў пячоры каля горада Бахчысарай (Крым). Адносіцца да мусцьерскай культуры.

Стаянка адкрыта ў 1952 годзе ў балцы Канлы-Дэлэ левага берага ракі Чурук-Су. Даследавалася ў час раскопак А. А. Фармозывым у 1952—1956 гадах, М. Д. Гваздовер у 1955—1956 гадах, В. П. Чабаем і А. Марксам у 1993—1995 гадах^[2]. А. Фармозаў вылучаў два, М. Гваздовер — чатыры (1955), затым тры (1956), В. Чабай і А. Маркс — чатыры культурныя пласты^[2].

Выяўлены каменныя рубільцы, апрацаваныя з двух бакоў, скрэблы, лістападобныя наканечнікі і інш., рэшткі кастрышчаў, рэшкі жывёл (плестацэнавы асёл^[2]). У 1953 годзе А. Фармозаў выявіў пахаванне дзіцяці ва ўзросце 1,5—2^[1][3] гадоў. Дзіця мела больш выразныя чалавечыя рысы, чым неандэртальцы^[1].

Раскопкамі В. Чабая і А. Маркса былі выяўлены 2 мусульманскія пахаванні XVIII стагоддзя, што дало падставу для сумненняў у аднясенні Старасельскай стаянкі да палеаліту^[2].

• Стараселле // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 158. — 10 000 экз. — ISBN 985-11-0035-8. — ISBN 985-11-0251-2 (т. 15).
• Староселье // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
• Советская историческая энциклопедия / Под ред. Е. М. Жукова. — М.: Советская энциклопедия, 1973—1982. (руск.)
• Формозов A. A. Пещерная стоянка Староселье и её место в палеолите. — М., 1958. (руск.)

• Староселье. Стоянка // Проект «Открытая археология» (руск.)
• Демиденко Ю. Е. Старосілля // Енциклопедія історії України^[ru] : у 10 т. / редкол.: В. А. Смолій^[ru] (голова) та ін. ; Інститут історії України НАН України. — К.: «Наукова думка^[ru]», 2003­−2013. — ISBN 966-00-0632-2. (укр.)