Стральба на летніх Алімпійскіх гульнях 2012

Спаборніцтвы па стральбе на летніх Алімпійскіх гульнях 2012 прайшлі з 28 ліпеня па 5 жніўня на тэрыторыі Казармаў каралеўскай артылерыі на паўднёвым усходзе Лондана ў Вуліджы. Былі разгуляны 15 камплектаў узнагарод.

Першапачаткова планавалася, што стралкі будуць спаборнічаць у Нацыянальным стралковым цэнтры, размешчаным у вёсцы Бізлі ў графстве Сурэй. Аднак Міжнародны алімпійскі камітэт заўважыў, што занадта вялікая колькасць спаборніцтваў запланавана за межамі Лондана, і было вырашана, што стралкі будуць выступаць у Вуліджы, дзе будзе пабудаваны часовы стралковы цэнтр, які пасля заканчэння Алімпійскіх і Паралімпійскіх гульняў плануецца разабраць і выкарыстоўваць у іншым месцы^[1]. Выдаткі на правядзенне спаборніцтваў па стральбе ў рамках лонданскай Алімпіяды ацэньваюцца ў 18 мільёнаў фунтаў стэрлінгаў.

(Тлустым вылучана самая вялікая колькасць медалёў у сваёй катэгорыі; прымаючая краіна таксама вылучана)

Агульная колькасць медалёў
Месца	Краіна	Золата	Срэбра	Бронза	Усяго
1	Паўднёвая Карэя	3	2	0	5
2	ЗША	3	0	1	3
3	Італія	2	3	0	5
4	Кітай	2	2	3	7
5	Румынія	1	0	0	1
	Вялікабрытанія	1	0	0	1
	Куба	1	0	0	1
	Беларусь	1	0	0	1
	Харватыя	1	0	0	1
10	Індыя	0	1	1	2
	Францыя	0	1	1	2
	Сербія	0	1	1	2
	Славакія	0	1	1	2
14	Польшча	0	1	0	1
	Данія	0	1	0	1
	Швецыя	0	1	0	1
	Бельгія	0	1	0	1
18	Украіна	0	0	2	2
19	Катар	0	0	1	1
	Расія	0	0	1	1
	Славенія	0	0	1	1
	Чэхія	0	0	1	1
	Кувейт	0	0	1	1
Усяго		15	15	15	45

Казармы каралеўскай артылерыі
Умяшчальнасць: 7500

У жаночым трапе 24-гадовая Алесандра Перылі была блізкая да таго, каб прынесці Сан-Марына першую ў гісторыі алімпійскую ўзнагароду ва ўсіх відах спорту. Аднак у перастрэлцы за 2-4 месцы Перылі стала толькі чацвёртай.

• Стральба на афіцыйным сайце Гульняў (англ.) (фр.)
• Міжнародная федэрацыя стральбы (англ.)