Стральба на летніх Алімпійскіх гульнях 2024

Спаборніцтвы па стральбе на летніх Алімпійскіх гульнях 2024 года прайшлі з 27 ліпеня па 5 жніўня 2024 года ў Нацыянальным стралковым цэнтры ў горадзе Шатару.^[1][2] Колькасць стралкоў, якія ўдзельнічалі ў пятнаццаці спаборніцтвах, была скарочана з 360 на папярэдніх Гульнях да 340 пры роўным размеркаванні паміж мужчынамі і жанчынамі. Акрамя таго, у алімпійскую праграму па стральбе ўнесены шэраг істотных змяненняў, у тым ліку новы фармат фіналаў і спаборніцтвы змешаных каманд у трапе замест скіта.^[3][4]

Стралкі ў алімпійскім фінале ў індывідуальных дысцыплінах пачналі выступленне з нуля ў спаборніцтве з выбываннем. У стральбе з малакалібернага пісталета і стэндавых дысцыплінах па чатыры фіналісты спаборнічалі ў дзвюх групах, а пераможцы і тыя, хто заняў другое месца, змагаліся ў фінале і паядынку за 3 месца адпаведна. У спаборніцтвах па стральбе з вінтоўкі і пнеўматычнага пісталета восем фіналістаў спаборнічалі адзін з адным з выбываннем, пасля чаго два стралкі зышліся ў паядынку за залаты і сярэбраны медалі.^[5]

Асноўная колькасць квотных месцаў была размеркавана па выніках сусветных і кантынентальных чэмпіянатаў, праведзеных у перыяд з 24 жніўня 2022 года да 27 мая 2024 года.^[6] Пасля гэтага ISSF праверыў сусветны рэйтынг у кожным з відаў індывідуальнай стральбы. Стралок з самым высокім рэйтынгам, які не прайшоў кваліфікацыю ні на адным спаборніцтве і чый НАК не атрымаў квоту ў адпаведнай дысцыпліне, атрымаў прамую алімпійскую квоту.^[7] Як і на папярэдніх Гульнях, Францыі, як краіна-арганізатару, гарантавана дванаццаць квотных месцаў, па адным у кожным з індывідуальных спаборніцтваў. Усяго было размеркавана 340 квотных месцаў з роўнымі суадносінамі паміж мужчынамі і жанчынамі.

^[8]

(Тлустым вылучана самая вялікая колькасць медалёў у сваёй катэгорыі; прымаючая краіна таксама выдзелена)

Агульная колькасць медалёў
Месца	Краіна	Золата	Серабро	Бронза	Усяго
1	Кітай	5	2	3	10
2	Паўднёвая Карэя	3	3	0	6
3	ЗША	1	3	1	5
4	Італія	1	2	1	4
5	Вялікабрытанія	1	1	0	2
6	Гватэмала	1	0	1	2
6	Швейцарыя	1	0	1	2
8	Сербія	1	0	0	1
8	Чылі	1	0	0	1
10	Швецыя	0	1	0	1
10	Турцыя	0	1	0	1
10	Украіна	0	1	0	1
10	Францыя	0	1	0	1
14	Індыя	0	0	3	3
15	Казахстан	0	0	1	1
15	Харватыя	0	0	1	1
15	Аўстралія	0	0	1	1
15	Венгрыя	0	0	1	1
15	Тайвань	0	0	1	1
Усяго		15	15	15	45

Дысцыпліны	Золата	Срэбра	Бронза
Пнеўматычная вінтоўка, 10 метраў	Кітай Хуан Юйцін Шэн Ліхаа	Паўднёвая Карэя Кюм Джы Хун Пак Ха Юн	Казахстан Аляксандра Ле Іслам Сатпаеў
Пнеўматычны пісталет, 10 метраў	Сербія Зорана Арунавіч Дамір Мікец	Турцыя Севал Ілайда Тархан Юсуф Дзікеч	Індыя Ману Бхакер Сараб’ёт Сінгх
Скіт	Італія Дыяна Бакозі Габрыэле Расеці	ЗША Остын Джулл Сміт Вінсент Хэнкок	Кітай Янь Юйцін Лю Янлінь