Стрынгер (суднабудаўніцтва)

Стры́нгер^[1] (англ.: stringer ад string звязка, шнур, строчка, прывязваць, змацоўваць) — падоўжны элемент набору корпуса судна у выглядзе ліставой або профільнай (таўровай) бэлькі.

Стрынгеры бываюць днішчавымі, скулавымі, палубнымі і бартавымі^[2]. Прымаюць удзел у забеспячэнні трываласці корпуса карабля. Пры падоўжнай сістэме набору корпуса з’яўляюцца бэлькамі галоўнага кірунку, пры папярочнай — крыжаванымі сувязямі^[3].

Днішчавы стрынгер — суцэльная або разрэзаная бэлька: ліставая ў адзінарным дне, профільная — у двайным дне^[2].

Скулавы стрынгер — ліставая непранікальная бэлька, якая абмяжоўвае двайное дно ў раёне скулы^[2].

Бартавы стрынгер — профільная або ліставая бэлька, якая злучаецца з абшыўкай бартоў і шпангоўтамі^[2].

Палубны стрынгер — патоўшчаны крайні пояс палубнага насцілу, які прымыкае да борта^[2].

Гл. таксама

Стрынгер (авіяцыя)

Крыніцы

↑ БелЭн 2002.
↑ ^а ^б ^в ^г ^д ВМС 1990.
↑ Стри́нгер // Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.

Літаратура

Стры́нгер // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 216. — 10 000 экз. — ISBN 985-11-0035-8. — ISBN 985-11-0251-2 (т. 15).
Стри́нгер // Военно-морской словарь / Чернавин В. Н. (гл. ред.). — М.: Воениздат, 1990. — С. 411. — 511 с. — 100 000 экз. — ISBN 5-203-00174-X. (руск.)
Большая морская энциклопедия [Электронный ресурс]. — Москва : Новый диск : Gers Co, 2006. — 1 Электрон. опт. диск (CD) : зв., цв.; 12 см. (руск.)
Стрингер // Военно-морской словарь для юношества: Около 10 000 слов (руск.) / Под общ. ред. П. А. Грищука. — 2-е изд.. — М.: ДОСААФ, 1988. — С. 434. — 560 с. — 100 000 экз. — ISBN 5-7030-0298-2.
ГОСТ 13641-80. Элементы металлического корпуса надводных кораблей и судов конструктивные. Термины и определения. (руск.)