Суфіян Эль-Бакалі

Суфіян Эль-Бакалі
Суфіян Эль-Бакалі
	араб. سفيان البقالي‎
Агульная інфармацыя
Пол	мужчынскі пол
Спецыялізацыя	3000 metres steeplechase[d], 3000 metres[d] і 1500 metres[d]
Нарадзіўся	7 студзеня 1996 (29 гадоў); Фес, Fez Prefecture[d], Fès-méknas-boulmane[d], Марока;
Грамадзянства	Марока;
Рост	191 см
Вага	62 кг
IAAF	14590424
	Медыяфайлы на Вікісховішчы

Суфіян Эль-Бакалі (араб. سفيان البقالي; нар. 7 студзеня 1996 г., Фес) — мараканскі лёгкаатлет, спецыялізуецца ў бегу з перашкодамі. Алімпійскі чэмпіён 2020 года, двухразовы чэмпіён свету (2022 і 2023), прызёр чэмпіянатаў свету 2017 і 2019 гадоў. Адзін з шасці алімпійскіх чэмпіёнаў у гісторыі Марока.

Біяграфія

Ва ўзросце васемнаццаці гадоў ён заняў чацвёртае месца на чэмпіянаце свету сярод юніёраў 2014 года па лёгкай атлетыцы, а затым дэбютаваў на чэмпіянаце Афрыкі 2014 года па лёгкай атлетыцы, заняўшы дзясятае месца на дыстанцыі 3000 метраў з перашкодамі. Ён таксама ўдзельнічаў у бегу па перасечанай мясцовасці і быў 18-м сярод юніёраў на чэмпіянаце свету па кросе 2015 года.

На Алімпійскіх гульнях 2016 года ў Рыа-дэ-Жанейра ён палепшыў свой асабісты рэкорд 8.14.35 хвілін і заняў выніковае чацвёртае месца. Нёс сцяг Марока на цырымоніі закрыцця Гульняў.

Ён выйграў сярэбраны медаль на чэмпіянаце свету 2017 года ў Лондане.

4 кастрычніка 2019 года Суфіян Эль-Бакалі ў горадзе Доха стаў бронзавым прызёрам чэмпіянату свету ў бегу на 3000 метраў з перашкодамі, паказаўшы вынік 8.03,76.

2 жніўня 2021 года перамог у стыпльчэзе на Алімпійскіх гульнях у Токіа з вынікам 8:08.90, Ламеха Гірма з Эфіопіі адстаў на 1,48 сек. Гэта было першае алімпійскае золата для Марока ва ўсіх відах спорту з 2004 года, калі дзве перамогі на Гульнях у Афінах атрымаў знакаміты Хішам эль-Геруж.

18 ліпеня 2022 года ўпершыню стаў чэмпіёнам свету, перамогшы ў Арэгоне з вынікам 8:25.13.

22 жніўня 2023 года Эль-Бакалі выйграў золата ў стыпльчэзе на чэмпіянаце свету ў Будапешце з вынікам 8:03.53. Ламеха Гірма адстаў на 1,91 сек.