Сяргей Сцяпанавіч Забродскі

Сяргей Сцяпанавіч Забродскі
Дата нараджэння	17 снежня 1911(1911-12-17)
Месца нараджэння	Нясвіж, Слуцкі павет, Мінская губерня, Расійская імперыя
Дата смерці	7 студзеня 1980(1980-01-07) (68 гадоў)
Месца смерці	Мінск, Беларуская ССР, СССР
Грамадзянства	СССР
Род дзейнасці	навуковец
Месца працы	Інстытут цепла- і масаабмену імя А. В. Лыкава
Навуковая ступень	доктар тэхнічных навук (1960)
Навуковае званне	прафесар член-карэспандэнт АН БССР
Альма-матар	энергетычны факультэт БНТУ (1939)
Узнагароды	Заслужаны вынаходнік Беларускай ССР[d]

Сяргей Сцяпанавіч Забродскі (17 снежня 1911, Нясвіж — 7 студзеня 1980, Мінск) — беларускі вучоны ў галіне гідрадынамікі, цепла- і масаабмену. Доктар тэхнічных навук (1960), прафесар (1964), член-карэспандэнт АН БССР (1966). Заслужаны дзеяч навукі і тэхнікі БССР (1978). Удзельнік Вялікай Айчыннай вайны.

У 1939 г. скончыў энергетычны факультэт Беларускага дзяржаўнага політэхнічнага інстытута. Пасля заканчэння ВНУ служыў у радах Савецкай Арміі, прымаў удзел у Вялікай Айчыннай вайне.

У сакавіку 1946 г. прыходзіць працаваць у Энергасектар Акадэміі навук БССР (з 1952 г. — Інстытут энергетыкі АН БССР) на пасаду малодшага навуковага супрацоўніка, дзе і працаваў да апошніх дзён. У 1950—1957 гг. працуе старшым навуковым супрацоўнікам у Інстытуце энергетыкі АН БССР. У 1957 г. узначаліў лабараторыю дысперсных сістэм гэтага інстытута (з 1963 г. — Інстытут цепла- і масабмену АН БССР).

Навуковыя працы па даследаванні цепла- і масаабмену ў дысперсных сістэмах. Прапанаваў формулу для разліку каэфіцыента цеплаабмену ў кіпячым слоі, распрацаваў асновы прымянення дысперсных матэрыялаў у якасці высокаэфектыўных прамежкавых цепланосьбітаў для безакісляльнага нагрэву металу, стварэння ахоўных атмасфер і інш.

Аўтар больш за 200 навуковых прац, у тым ліку 3 манаграфій, звыш 60 пасведчанняў на вынаходніцтвы. Падрыхтавана 18 кандыдатаў навук.

С. С. Забродскім была створана навуковая школа ў галіне пераносу ў дысперсных сістэмах.

Быў намеснікам акадэміка-сакратара аддзялення фізіка-тэхнічных навук Акадэміі навук БССР, старшынёй секцыі навуковага Савета па праблеме «Маса- і цеплапераносу ў тэхналагічных сістэмах» Дзяржаўнага камітэта Савета Міністраў СССР па навуцы і тэхніцы.

З’яўляўся намеснікам галоўнага рэдактара «Інжынерна-фізічнага часопіса», членам рэдкалегіі часопіса «Весці АН БССР. Серыя фізіка-энергетычная».

Узнагароджаны ордэнам «Знак пашаны» (1971 г.), медалямі «За перамогу над Германіяй у Вялікай Айчыннай вайне 1941—1945 гг.», «За абарону Ленінграда», ганаровай граматай Вярхоўнага Савета БССР, залатым медалём ВДНГ СССР (1970) за прадстаўленую арыгінальную ўстаноўку для сушкі медпрэпаратаў.

• Перенос тепла псевдоожиженным слоем зернистого материала (1958)
• Гидродинамика и теплообмен в псевдоожиженном слое (1963)
• Высокотемпературные установки с псевдоожиженным слоем (1971)

• Забродскі Сяргей Сцяпанавіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 489. — 10 000 экз. — ISBN 985-11-0035-8. — ISBN 985-11-0106-0 (т. 6).
• Забродскі Сяргей Сцяпанавіч у базе данных «Гісторыя беларускай навукі ў асобах» Цэнтральнай навуковай бібліятэкі імя Якуба Коласа НАН Беларусі (руск.)
• Инженерно-физический журнал. — 2012. — Т. 85. — С. 230—231

• Профіль С. С. Забродскага за сайце НАН Беларусі