Сілы народнай мабілізацыі

Сілы народнай мабілізацыі
الحشد الشعبي
Этнічная прыналежнасць	Іракцы
Рэлігійная прыналежнасць	пераважае шыізм [1]
Лідары	Хайдэр аль-Абадзі
Штаб-кватэра	Багдад
Актыўная ў	Ірак  Сірыя
Сфарміравана	13 сакавіка 2014
Саюзнікі	Ірак  Сірыя  Іран Пешмерга (да 2017)
Праціўнікі	Ісламская дзяржава Пешмерга (2017)
Колькасць членаў	80 000—100 000
Удзел у канфліктах	Грамадзянская вайна ў Іраку, Барацьба з тэрарызмам у Іраку пасля 2017 года, Грамадзянская вайна ў Сірыі
Сайт	al-hashed.net

Сілы народнай мабілізацыі (араб. الحشد الشعبي‎, Хашд аш-Шаабі) — кааліцыя, якая складаецца з шыіцкіх, езідскіх і хрысціянскіх міліцый, што змагаюцца на баку іракскага ўрада супраць ІД^[2]. Альянс спансуецца дзяржавай і ўяўляе сабой парасонавую арганізацыю з 40, у асноўным шыіцкіх, міліцый. Аднак у складзе маюцца таксама хрысціянскія, суніцкія і езідскія групоўкі^[3]. Арганізацыя была сфарміравана ў мэтах разгортвання барацьбы супраць ІД і была створана шляхам фармальнага аб’яднання існых на той момант ірэгулярных войск баевікоў пад эгідай іракскага міністэрства ўнутраных спраў у чэрвені 2014 года^[4].

Па даных The National Interest, з 100 тысяч байцоў прыкладна 80 працэнтаў у той ці іншай меры падтрымліваюцца элітным іранскім Корпусам Вартавых Ісламскай рэвалюцыі (КВІР)^[5]. Некаторыя кіраўнікі груповак, напрыклад, Абу Махдзі аль-Мухандзіс (кіраўнік Катаіб Хезбала), прызнаны тэрарыстамі ў ЗША. Да таго ж Катаіб Хезбала ўдзельнічала ва ўзброеным супрацьдзеянні амерыканскай акупацыі Ірака^[6].

19 лютага 2018 на калону з васьмі аўтамабіляў Хашд Шаабі напалі баевікі ІД. Каля 30 чалавек былі забіты або патрапілі ў палон, сярод іх было 6 палявых камандзіраў з аховай^[7][8].

3 студзеня амерыканская авіяцыя нанесла авіяўдар па міжнародным аэрапорце Багдада, у адказ на напад на пасольства ў Іраку. У выніку бамбардзіроўкі загінулі іранскі генерал Касем Сулеймані і лідар Катаіб Хезбала Абу Мухандзіс^[9][10].