Талуанскі бальзам

Талуанскі бальзам
Натуральны прадукт выраблены з	M. balsamum[d]

Талуа́нскі бальзам^[1], талутанскі бальзам^[1] — густая араматычная вадкасць, вылучаецца з надсечак кары вечназялёнага дрэва міраксілон. Гэтыя дрэвы растуць у Цэнтральнай Амерыцы — Калумбія, Перу, Венесуэла, а таксама ў Паўднёвай Амерыцы — Аргенціна, Бразілія, Парагвай, Балівія.

Утрымоўвае бензойную і карычную кіслоты ў свабодным стане (12-15 %) і ў выглядзе эфіраў (да 86 %), а таксама нязначныя колькасці эфірных алеяў і ваніліну.

Вязкая маса бурага колеру са смалістым пахам. На паветры цвярдзее, утварае чырвона-бурую масу.

• Шчыльнасць 1,2 г/см³,
• Тэмпература плаўлення 60—65 °C;
• Раствараецца ў спірце, воцатнай кіслаце, ацэтоне, хлараформе.
• Не раствараецца ў вадзе.

Выкарыстоўваецца ў парфумерыі.

• Талуа́нскі бальзам, талутанскі бальзам // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 408. — 10 000 экз. — ISBN 985-11-0035-8. — ISBN 985-11-0251-2 (т. 15).
• Толуа́нский бальзам, толутанский бальзам // Т. 26. Тихоходки — Ульяново. — М. : Советская энциклопедия, 1977. — С. 56. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)