Таполя Сімана

Таполя Сімана
Агульны від дарослай расліны і лісце
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вербакветныя Сямейства:  Вярбовыя Род:  Таполя Від:  Таполя Сімана
Міжнародная навуковая назва
Populus simonii Carrière
Сінонімы
Populus brevifolia Carrière ex C.K.Schneid., nom. inval.[1] Populus suaveolens var. przewalskii (Maxim.) C.K.Schneid.[1]
Сістэматыка на Віківідах Выявы на Вікісховішчы ITIS   22471 NCBI   295327 EOL   585456 GRIN   t:29413 IPNI   776864-1 TPL   kew-5000197

Таполя Сімона^[2][3] (Populus simonii), або Таполя кітайская^[2][3] — від лісцяных дрэў з роду Таполя (Populus) сямейства Вярбовыя (Salicaceae).

У прыродзе арэал віду ахоплівае Манголію і паўночныя раёны Кітая^[1]. Святлолюбівая расліна, мезафіт і мезатроф^[4].

Лістападнае дрэва вышынёй да 20 м, з яйкападобнай кронай. Маладыя парасткі тонкія, некалькі ніцыя, голыя або апушаныя, чырвона-бурыя, глянцавітыя.

Пупышкі буйныя, доўга-завостраныя, голыя, клейкія. Лісце простае, суцэльнае, з зубчастым краем, рамбічна-яйкападобнае або рамбічна-эліптычнае, даўжынёй 4—12 см, шырынёй 3—8 см, з найбольшай шырынёй вышэй сярэдзіны, з шырока — або вузка клінаватым аснаваннем, дробна-вострапілаватае, зверху цёмна-зялёнае, з чырвонымі жылкамі, знізу бялёса-шэрае.

Песцікавыя каташкі голыя, даўжынёй 2,6 см.

Плады — двух-, радзей трохстворкавыя, грушападобныя, голыя або валасістыя каробачкі даўжынёй 3—4 мм.

Від Таполя Сімона ўваходзіць у род Таполя (Populus) сямейства Вярбовыя (Salicaceae) парадку Вербакветныя (Malpighiales).

• Гарановіч І. М. Тапо́ля // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 431. — 10 000 экз. — ISBN 985-11-0035-8. — ISBN 985-11-0251-2 (т. 15).
• Бібікаў Ю. А., Мазан І. П. Тапо́ля // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 81—82. — 599 с., іл. — 10 000 экз.
• Соколов С. Я., Шипчинский Н. В., Ярмоленко А. В. Род 3. Populus L. — Тополь // Деревья и кустарники СССР. Дикорастущие, культивируемые и перспективные для интродукции. / Ред. тома С. Я. Соколов. — М.—Л.: Изд-во АН СССР, 1951. — Т. II. Покрытосеменные. — С. 206. — 612 с. — 2500 экз.