Таццяна Міхайлаўна Заміроўская

Тацця́на Міха́йлаўна Заміро́ўская (нар. 11 красавіка 1980(1980-04-11)^[1], Барысаў, Мінская вобласць^[2]) — беларуская пісьменніца і журналістка. Аўтар трох зборнікаў апавяданняў, апублікаваных выдавецтвам АСТ^[ru] (Масква). Стыпендыятка арт-рэзідэнцый «Macdowell Colony^[en]» і «Virginia Center For Creative Arts^[en]» (ЗША), намінантка прэмій «Нацбэст^[ru]» і «НОС^[ru]» (Расія), лаўрэатка прэміі Горчава (Расія). Жыве ў Брукліне, Нью-Ёрк. У 2021 выйшаў яе дэбютны раман аб лічбавай неўміручасці і памяці «Смерти.net».

Нарадзілася ў горадзе Барысаве Мінскай вобласці 11 красавіка 1980 года. Пераехала жыць у Мінск, дзе скончыла факультэт журналістыкі Беларускага дзяржаўнага ўніверсітэта. Эмігравала ў ЗША ў 2015 годзе, дзе скончыла магістратуру прыгожых мастацтваў Бард-Каледжа ў Нью-Ёрку. На працягу журналісцкай кар’еры пісала пра музыку ў беларускую «Музыкальную газету», працавала рэдактарам часопіса «Jazz-квадрат», з’яўлялася пастаянным культурным аглядальнікам штотыднёвіка «БелГазета». Супрацоўнічае з шэрагам беларускіх, расійскіх і англамоўных медыя.

• зборнік «Земля случайных чисел»;
• зборнік «Жизнь без шума и боли»;
• зборнік «Воробьиная река»;
• раман «Смерти.net».

• Д.П. ЗАМІРОЎСКАЯ ТАЦЦЯНА (Замировская Татьяна, Zamirovskaya Tatyana) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 111. — 368 с. — 2 000 экз. — ISBN 978-985-6783-42-8.

• Біаграфія Таццяны Заміроўскай (руск.) на сайце «Литрес^[ru]»
• Аб аўтары Таццяна Заміроўская (руск.) на сайце «Голас Амерыкі»