Таш-Кумыр

Таш-Кумыр
Краіна	Кыргызстан;
Каардынаты	41°21′00″ пн. ш. 72°13′00″ у. д.HGЯO
Плошча	47 км²;
Вышыня цэнтра	585 м
Насельніцтва	▼19 310 чал. (2009);

Таш-Кумыр (кірг.: Таш-Көмүр) — горад абласнога падпарадкавання ў Джалал-Абадскай вобласці Кыргызскай Рэспублікі. Знаходзіцца на правым беразе ракі Нарын (басейн ракі Сырдар’я), паблізу ад аўтатрасы Бішкек — Ош. За 450 км ад Бішкека, да горада Джалал-Абад — 129 км. Злучаны чыгуначнай лініяй (33 км) са станцыяй Уч-Курган на лініі Андыжан — Наманган.

Горад размешчаны ў паўночна-ўсходняй частцы Ферганскай даліны. У цяперашні час у склад горада ўваходзяць пасёлкі Шамалды-Сай, Кызылжар і сяло Тэндык. Развіццё здабычы вугалю пачалося з 1930-х гадоў пасля будаўніцтва чыгункі Таш-Кумыр — Андыжан. У 1933 годзе было заснавана шахтакіраванне.

У 1930 годзе, калі ў гэтым рэгіёне адкрыўся вугальны басейн, было заснавана маленькае шахцёрскае паселішча, якое ў 1943 годзе перарасло ў горад.