Таўкачыкі

Таўкачыкі
Empis stercorea
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Без рангу:  Antliophora Атрад:  Двухкрылыя Падатрад:  Караткавусыя Інфраатрад:  Asilomorpha Надсямейства:  Empidoidea Сямейства:  Таўкачыкі
Міжнародная навуковая назва
Empididae Latreille, 1804
Сістэматыка на Віківідах Выявы на Вікісховішчы ITIS   135830 NCBI   92557 EOL   460 FW   139008

Таўка́чыкі^[1][2], таўкачы^[1], танцоркі^[1][2] (Empididae) — сямейства ў атрадзе двухкрылых насякомых (Diptera), якое адносіцца да падатрада кароткавусых (Brachycera). Да гэтага таксона па ўсім свеце належаць каля 2500 (больш за 2800^[1][2], каля 3000^[3]) відаў.

Дробныя двухкрылыя. Цела (даўжыня 8—15 см) слаба апушанае, пераважна цьмяна афарбаванае, галава невялікая, з іголкападобным хабатком, мае круглую форму, прычым у самцоў часта сустракаюцца павялічаныя вочы. Хабаток у некаторых відаў надзвычай доўгі і служыць, як у камароў, для пратыкання і высмоктвання здабычы. Ногі доўгія, тонкія. Крылы празрыстыя.

На тэрыторыі Беларусі найбольш адзначаюцца на кустах, кветках, дрэвах, па берагах рэк таўкачык вялікі (Empis tesselata) і таўкачык лінднеры (Empis lindneri).

Лічынкі жывуць у глебе, пад апалым лісцем, радзей на дне рэк і ручаёў. Дарослыя і лічынкі — драпежнікі. Знішчаюць мошак, камароў і іншых дробных насякомых-крывасмокаў. Дадатковы корм — нектар кветак.

Развіццё з поўным ператварэннем.

У перыяд размнажэння ў некаторых відаў адзначаецца раенне, шлюбныя «танцы», насякомыя збіраюцца ў паветры вялікімі масамі — «таўкуць мак» (адсюль назва). Самцы ў гэты час робяць шаўкавістыя «балоны», унутры якіх ляжаць мёртвыя дробныя мухі, камары. Перад спароўваннем самец аддае здабычу самцы і выратоўвае сваё жыццё (агрэсіўныя самкі нярэдка з’ядаюць самцоў пасля капуляцыі).

• Максімава С. Л. Таўка́чыкі, таўкачы, танцоркі // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 458—459. — 10 000 экз. — ISBN 985-11-0035-8. — ISBN 985-11-0251-2 (т. 15).
• Радкевіч У. А. Таўка́чыкі, танцоркі // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 87. — 583 с., іл. — 10 000 экз.
• Толкуны́, толкунчики, плясуньи // Т. 26. Тихоходки — Ульяново. — М. : Советская энциклопедия, 1977. — С. 47. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Chvála M (1976): Swarming, mating and feeding habits in Empididae (Diptera), and their significance in evolution of the family, Aca Ent Bohem 73, 353—366
• Collin JE (1961): British Flies, Vol VI: Empididae, Cambridge.