Трон (фільм)

Трон
Трон;
	англ.: Tron
Жанры	баявік[…], навукова-фантастычны фільм[d][…], прыгодніцкі фільм і кіберпанк
Рэжысёр	Стывен Лісбергер[d][…];
Прадзюсар	Donald Kushner[d];
Сцэнарыст	Стывен Лісбергер[d];
У галоўных; ролях	Джэф Брыджэс[…]; Bruce Boxleitner[d][…]; David Warner[d][…]; Cindy Morgan[d]; Barnard Hughes[d]; Peter Jurasik[d]; Bob Neill[d]; Craig Chudy[d]; Dan Shor[d]; Jackson Bostwick[d]; Jerry Maren[d]; Michael Dudikoff[d]; Ted White[d];
Аператар	Брус Логан
Кампазітар	Wendy Carlos[d];
Кінакампанія	The Walt Disney Company
Працягласць	96 хв.
Бюджэт	17 000 000 $
Зборы	33 млн $
Краіна	ЗША;
Мова	англійская
Год	1982
IMDb	ID 0084827
Афіцыйны сайт (англ.)

«Трон» (англ.: Tron) — амерыканскі навукова-фантастычны кінафільм 1982 года, зняты на студыі «Walt Disney» рэжысёрам Стывенам Лісбергерам. Галоўныя ролі выканалі Джэф Брыджэс, Дэвід Уорнер, Брус Бакслейтнер і Сіндзі Морган. У 2010 годзе выйшаў сіквел «Трон: Спадчына».

Сюжэт

Кевін Флін (Брыджэс) — малады і адораны праграміст, які працуе на мегакарпарацыю ENCOM. Хлопец стварае наватарскія гульні, аднак новы супрацоўнік Эд Дылінджэр нахабна прысвойвае аўтарства і атрымлівае належныя Кевіну ганарары і кар'ерны рост, а Фліна звальняюць. Тады Флін вырашае знайсці адзін файл, які дакажа, што Дылінджэр абакраў яго.

У адзін цудоўны дзень Дылінджэр пазбаўляе ўсіх праграмістаў з сёмым узроўнем аўтарызацыі (у тым ліку і Кевіна) доступу да MCP (Master Control Program) — штучнага інтэлекта, які ўпраўляе сеткай камп'ютараў карпарацыі. Двое супрацоўнікаў вырашаюць узламаць сістэму, і ў гэтым ім дапамагае Кевін Флін. Тут адбываецца неверагоднае: Флін аказваецца «алічбаваным» і трапляе ўнутр камп'ютара, што было падстроена MCP. Там яго чакае зусім іншы свет. Аказваецца, камп'ютарныя праграмы жывуць у таталітарным грамадстве, а MCP — жорсткі кіраўнік. Звычайныя праграмы ўтрымліваюцца ў своеасаблівых «канцлагерах» і перыядычна ўдзельнічаюць у жорсткіх гладыятарскіх баях. У гэтым свеце свая рэлігія — праграмы вераць у тое, што ў іх ёсць вышэйшыя істоты-заступнікі, нейкія «карыстальнікі». Калі Флін трапляе ў віртуальны свет, няшчасныя праграмы прымаюць яго за свайго Збавіцеля. Герой павінен прайсці серыю гладыятарскіх баёў і знайсці суперпраграму Трон, з дапамогай якой можна перамагчы злога дыктатара.

Стварэнне

Спецэфекты

«Трон» — першы ў гісторыі кінематографа фільм, у якім шырока выкарыстоўвалася камп'ютарная графіка. У асноўным камп'ютар выкарыстоўваўся для стварэння фонавых элементаў і матацыклаў, а таксама многіх іншых спецэфектаў. У фільме змяшчаецца каля 20 хвілін чыстай графікі, дзе жывыя героі сумешчаныя з намаляванымі. Аднак некаторыя спецэфекты ўсё ж ствараліся па-старому — метадам ротаскапіравання і ручной размалёўкі кожнага кадра (дзеянне «ўнутры камп'ютара» здымалася на чорна-белую плёнку). Акрамя таго, упершыню ў гісторыі кінематографа ў мастацкім фільме была прадэманстравана камп'ютарная анімацыя асобы, хоць і ў значнай ступені спрошчаная.