Трубачнік звычайны

	Трубачнік звычайны
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Першаснаротыя
Надтып:	Спіральныя
Тып:	Кольчатыя чэрві
Клас:	Clitellata
Падклас:	Малашчацінкавыя чэрві
Атрад:	Haplotaxida
Сямейства:	Naididae
Падсямейства:	Tubificinae
Род:	Tubifex
Від:	Трубачнік звычайны
Міжнародная навуковая назва
	Tubifex tubifex O. F. Müller, 1774
ITIS	68623
NCBI	6386
EOL	49691639

Трубачнік звычайны (Tubifex tubifex) — від малашчацінкавых чарвей падсямейства Tubificinae. Трубачнікі — тонкія ніткападобныя ружаватага колеру чарвякі даўжынёй да 40 мм. На кожным сегменце цела па 4 шчацінкі. Харчуюцца раскладанымі часціцамі, заглынаючы і прапускаючы праз кішачнік глей.

Жыве на дне стаячых вадаёмаў з глеем, у забруджаных ручаях і рэках. Утварае велізарныя скапленні ў глеі моцна забруджаных рэк, але сустракаецца таксама на пясчаных і камяністых грунтах больш чыстых рэк (у нязначных колькасцях). Жывуць у зробленых з глею трубчастых норках, з якіх выстаўляюць над паверхняй грунту задні канец цела (з жабрамі), які ўвесь час рухаецца, здзяйсняючы хвалепадобныя дыхальныя рухі. Трубачнік выяўляецца на дне круглы год.

Размнажэнне толькі палавое. Яйцы (па некалькі штук) адкладае ў коканах.

Выкарыстанне

Шырока выкарыстоўваецца ў кармленні акварыўмных рыбак у якасці жывога корму<nowiki>. У параўнанні з роднаснымі прадстаўнікамі віду Dero furcata, менш эфектыўна культывуецца ў хатніх умовах.

Захоўваюць трубачніка ў нізкай посудзе з пластом вады 3-5 мм пры нізкай тэмпературы (5-10 °C). Свежазлоўленымі чарвякамі рыб не кормяць, паколькі пры гэтым вялікая небяспека заносу з імі узбуджальнікаў хвароб, такіх як карыяфілёз. Звычайна іх вытрымліваюць пры штодзённым прамыванні 3-7 дзён, адлучаючы праз дробнае сіта жывых асобін ад мёртвых. Назапашаныя трубачнікам забруджвальныя рэчывы з роднага месцапражывання таксама прадстаўляюць небяспеку.

У акварыуме няз’едзены трубачнік закопваецца ў грунт і нярэдка пачынае размнажацца.