Тэлазііды

Тэлазііды
Thelazia callipaeda
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Nematoida Тып:  Круглыя чэрві Клас:  Secernentea Падклас:  Spiruria Атрад:  Spirurida Надсямейства:  Thelazioidea Сямейства:  Тэлазііды
Міжнародная навуковая назва
Thelaziidae
Сістэматыка на Віківідах Выявы на Вікісховішчы ITIS   63785 NCBI   103828 EOL   2839

Тэлазііды^[1] (Thelaziidae) — сямейства круглых чарвей з надсямейства Thelazioidea. Як і ўсе круглыя чэрві, яны не маюць ні крывяноснай, ні дыхальнай сістэм.

Цела даўжынёй 3,9 — 21 мм, круглае, белае. Самцы меншыя за самак, хваставы канец у іх з мноствам сасочкаў і 2 спікуламі. У самкі вульва размешчана ў пярэдняй або задняй частцы цела^[1]. Лічынкі даўжынёй 0,2 — 0,49 мм з яйцавай абалонкай, маюць чэхлік на хваставым канцы, выдзяляюцца са слёзных пратокаў канчатковых гаспадароў на паверхню кан’юнктывы вока^[1].

Развіццё з удзелам прамежкавых гаспадароў — пашавых мух. У яйцавых фалікулах мух праз месяц лічынкі становяцца інвазійнымі і пранікаюць у хабаток^[1]. Пры кантакце інвазаваных мух з ка’юнктывай вачэй канчатковых гаспадароў лічынкі мігрыруюць у слёзныя пратокі і праз 3 — 4 тыдні дасягаюць полавай спеласці^[1].

У сямействе вылучаюць каля 7 родаў з некалькімі дзесяткамі відаў.

Падсямейства Oxyspirurinae з’яўляецца манатыпным, як і некалькі малавядомых родаў у падсямействе Thelaziinae^[2].

• Падсямейства Oxyspirurinae Skrjabin, 1916
  • Oxyspirura Dräsche in Stossich, 1897 год
• Падсямейства Thelaziinae Skrjabin, 1915
  • Ceratospira Schneider, 1866
  • Hempelia Vaz, 1937
  • Pancreatonema McVicar & Gibson, 1975
  • Pericyema Railliet, 1925
  • Thelazia Bosc in Blainville, 1819
  • Thylaconema Chandler, 1929

Прадстаўнікі сямейства ў асноўным з’яўляюцца паразітамі птушак, у якіх паразітуюць у арбітальнай поласці і вывадных пратоках слёзных залоз,^[1] некаторыя з відаў знойдзены і ў іншых пазваночных жывёлах^[2], у тым ліку ў буйной рагатай жывёлы, зуброў (канчатковыя гаспадары)^[1].

• Основы нематодологии. Т. 16
• Скрябин К. И., Соболев А. А.  (руск.) (бел., Ивашкин В. М. Спирураты животных и человека и вызываемые ими заболевания. Ч. 4. Телязиоидеи. — М., 1967
• Ивашкин В. М., Хромова Л. А. Нематоды сельскохозяйственных животных и их переносчики — двукрылые. — М., 1983
• Hallan, Joel (ed.) (2007): Family Thelaziidae. Version of 2007-AUG-07. Retrieved 2008-NOV-05.