Уладзімір Аляксандравіч Баум

Уладзімір Аляксандравіч Баум
Дата нараджэння	6 жніўня 1922(1922-08-06)
Месца нараджэння	Карыціскі[d], Гміна Дубічы Цэркеўнэ, Гайнаўскі павет, Падляскае ваяводства, Польшча
Дата смерці	14 сакавіка 2018(2018-03-14) (95 гадоў)
Месца смерці	Гродна, Гродзенская вобласць, Беларусь
Грамадзянства	СССР  Беларусь
Альма-матар	біятэхналагічны факультэт ГДАУ
Узнагароды і прэміі

Уладзі́мір Алякса́ндравіч Баум (6 жніўня 1922, в. Карыціскі, Беластоцкае ваяводства) — Герой Сацыялістычнай Працы (1966). Удзельнік Вялікай Айчыннай вайны^[1].

Скончыў Гродзенскі дзяржаўны аграрны ўніверсітэт. З 1950 па 1954 год — рабочы, механік, старшыня завкама Гродзенскага камбіната будматэрыялаў.

З 1954 года старшыня калгаса імя XXII з’езда КПСС (да 1961 года калгас «Стаханавец», на 2012 год — СПК імя Баума^[2]) Іўеўскага раёна.

З 1990 года на пенсіі.

За прадуманую, разлічаную на годнае жыццё людзей забудову цэнтральнай сядзібы калгаса імя XXII партз’езда (в. Геранёны) У. А. Баум быў узнагароджаны залатым медалём ВДНГ СССР^[3].

Званне Героя прысвоена за поспехі ў развіцці жывёлагадоўлі, павелічэнні вытворчасці і нарыхтовак сельскагаспадарчых прадуктаў. Член Рэвізійнай камісіі КПБ у 1961-66. Дэпутат Вярхоўнага Савета БССР у 1963-67^[1].

За час працы старшынёй калгаса быў узнагароджаны ордэнамі Леніна, Кастрычніцкай Рэвалюцыі, Працоўнага Чырвонага Сцяга, «Знак Пашаны»^[3].

• Уладзімір Аляксандравіч Баум на сайце «Героі краіны»