Уладзімір Мікалаевіч Пяценка

Уладзімір Пяценка
Уладзімір Пяценка
Агульная інфармацыя
Поўнае імя	Уладзімір Мікалаевіч Пяценка
Нарадзіўся	9 верасня 1974 (50 гадоў); Пракоп’еўск, Кемераўская вобласць, РСФСР, СССР;
Грамадзянства	СССР; Украіна
Рост	194 см
Пазіцыя	абаронца
Інфармацыя пра клуб
Клуб	ЖФК Дынама (Кіеў)
Пасада	галоўны трэнер
Клубная кар’ера
Нацыянальная зборная
Трэнерская кар’ера
2011—2012	Металург (Данецк)
2013	Бананц (Ерэван)
2014—2015	Металург (Данецк)
2017	Крумкачы (Мінск)
2018	Абалонь-Бровар (Кіеў)
2021—	ЖФК Дынама (Кіеў)
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. ; ↑ Колькасць гульняў і галоў за нацыянальную зборную ў афіцыйных матчах ;
	Медыяфайлы на Вікісховішчы

Уладзімір Мікалаевіч Пяценка (укр.: Володимир Миколайович Пятенко; нар. 9 верасня 1974, Пракоп’еўск, РСФСР, СССР) — украінскі футбаліст, абаронца, пасля завяршэння кар’еры — футбольны трэнер. У цяперашні час працуе галоўным трэнерам жаночага клуба «Дынама» з Кіева.

Клубная кар’ера

Пачаў займацца футболам у Крыме, гуляў за мясцовыя каманды «Вайковец» і «Таўрыя». Пазней выступаў за «Шахцёр», «Металіст», «Металург», «Ворсклу». У 2003—2004 гадах выступаў у Расіі за «СКА-Энергія», пасля вярнуўся ва Украіну, дзе завяршыў кархеру ў складзе вінніцкай «Нівы».

Міжнародная кар’ера

У 1994—1995 гадах гуляў за моладзевую зборную Украіны.

Трэнерская кар’ера

З 2008 года (з перапынкамі) — трэнер «Металурга» з Данецка. 12 лістапада 2010 года стаў выканаўцам абавязкаў галоўнага трэнера данецкага «Металурга» пасля адстаўкі Мікалая Костава^[3]. 3 мая 2011 года быў ізноў прызначаны выканаўцам абавязкаў галоўнага трэнера «Металурга» пасля адстаўкі Андрэя Гардзеева^[4]. У сярэдзіне студзеня 2013 года ўзначаліў ерэванскі «Бананц», які пад кіраўнітцвам Пяценкі заняў апошняе месца ў чэмпіянаце Арменіі і вылецеў у другі дывізіён. У жніўні 2013 года вярнуўся ў «Металург», у чэрвені 2014 года чарговы раз стаў галоўным трэнерам клуба, заставаўся на гэтай пасадзе да лета 2015 года, калі «Металург» спыніў існаванне.

З лета 2015 года працаваў экспертам на ўкраінскім тэлебачанні. У студзені 2017 года прыняў прапанову ўзначаліць беларускі клуб «Крумкачы». Ужо ў маі таго ж года па сямейным абставінам пакінуў мінскую каманду^[5].

У студзені 2018 года стаў новым галоўным трэнерам клуба ўкраінскай Першай лігі «Абалонь-Бровар»^[6]. У сезоне 2018/19 працаваў у трэнерскім штабе адэскага «Чарнаморца».

У 2021 годзе ўзначаліў адроджанае жаночае кіеўскае «Дынама».