Усе мышы любяць цырк

«Усе мышы любяць цырк» — дзіцячы музычны спектакль, пастаўлены ў Рэспубліканскім тэатры беларускай драматургіі рэжысёрам Веранікай Буслаевай.^[1]

Прэм'ера адбылася 23 снежня 2014.

«Усе мышы любяць цырк» — рэжысёрскі дэбют актрысы РТБД Веранікі Буслаевай, якая таксама ёсць аўтарам сцэнарыя. У якасці рэжысёра Вераніка Буслаева выступіла з прапановы мастацкага кіраўніка Рэспубліканскага тэатра беларускай драматургіі Аляксандра Гарцуева, ужо маючы рэжысёрскі досвед па-за РТБД, збольшага ў якасці рэжысёра антрэпрызных дзіцячых спектакляў. Распавядаючы аб працы над спектаклем, аўтар згадвае сваё захапленне рэпрызамі Вячаслава Палуніна.^[2]

У закінутай грымёрцы старога цырку пасяліліся мышаняты, якія пасябравалі з лятучай мышшу, што жыла на гарышчы цырку. Аднак грымёрка прыйшлася даспадобы і двум пацукам. Сюжэт разгортваецца вакол таго, ці атрымаецца ў мышанятаў адваяваць свой нядаўна прыдбаны дом, а таксама выканаць даўнюю мару — стаць цыркавымі акцёрамі.^[3]

У якасці дэкарацыяў выкарыстоўваецца шмат цыркавой атрыбутыкі. У спектаклі, апрача спеваў, танцаў і чытання вершаў, выконваецца шмат цыркавых трукаў.^[2]

• Вераніка Буслаева — рэжысёр-пастаноўшчык, аўтар сцэнарыя
• Аляксандра Грахоўская — кампазітар
• Марына Алекна — мастак-пастаноўшчык
• Вацлаў Валадзько — перакладчык

• Малыш — Максім Шышко, Ілля Ясінскі
• Шустрык — Дзмітрый Давідовіч, Арцём Курэнь
• Мыша — Марына Здаранкова, Ганна Семяняка
• Лятучая — Гражына Быкава^[d], Надзея Цвяткова
• Пацук — Мікіта Залатар, Мікалай Стонька, Марат Вайцяховіч
• Пацучыха — Анастасія Баброва, Марыя Пятровіч

• Старонка спектакля на сайце РТБД Архівавана 1 чэрвеня 2015.
• Невероятная история про силу искусства: детский новогодний спектакль «Усе мышы любяць цырк»
• Почему мыши любят цирк