Фазаль Аль-Гаўд

Шэйх Фазаль Райкан аль-Гаўд Аль-Німраві (араб. فصال القعود‎; памёр 25 чэрвеня 2007) — іракскі чыноўнік. У перыяд амерыканскай акупацыі займаў пасаду губернатара правінцыі Анбар (з ліпеня 2004 года па студзень 2005 года).

Фазаль аль-Гаўд дапамог сфармаваць групоўку племянных суніцкіх лідараў пад назвай «Савет выратавання Анбара». Мэта арганізацыі заключалася ў тым, каб аб’яднацца з амерыканскімі сіламі супраць паўстанцаў Аль-Каіды ў суніцкіх раёнах Ірака, такіх як Аль-Анбар. Аднак сама арганізацыя цярпела ад міжусобіц.

Аль-Гаўд забіты 25 чэрвеня 2007 года ў выніку самападрыву смяротніка ў гатэлі «Мансур» у Багдадзе разам з 11 іншымі людзьмі. Шасцёра з забітых, уключаючы чыноўніка, з’яўляліся членамі Савета выратавання Анбара, які ў той час збіраўся ў гатэлі. Следчыя меркавалі, што мэтай нападу былі лідары суніцкіх плямёнаў. У выніку выбуху таксама загінуў Рахім аль-Малікі, вядомы іракскі паэт і тэлевізійны прадзюсар тэлеканала «Аль-Іракія».

• A U.S. ally in Iraq is murdered (англ.)(недаступная спасылка). McClatchy Newspaper Service. Архівавана з першакрыніцы 15 кастрычніка 2007.
• Baghdad Blast Targets Sunni Tribal Leaders (англ.). Washington Post. Архівавана з першакрыніцы 3 лістапада 2012.