Фарухру Парса

Фарухру Парса
Фарухру Парса
Нараджэнне	22 сакавіка 1922; Кум, Qom Central District[d], Qom County[d], астан Кум[d], Іран;
Смерць	8 мая 1980 (58 гадоў); Тэгеран, Цэнтральны бахш[d], Тэгеранскі шахрэстан[d], астан Тэгеран[d], Іран;
Месца пахавання	Behesht-e Zahra[d];
Партыя	Rastakhiz Party[d];
Адукацыя	Тэгеранскі ўніверсітэт;
	Медыяфайлы на Вікісховішчы

Фарухру Парса (перс. فرخ‌رو پارسا; 22 сакавіка 1922(1922-03-22), Кум — 8 мая 1980(1980-05-08), Тэгеран) — іранскі палітычны дзеяч, урач, педагог, Міністр адукацыі Ірана (1968—1971), першая жанчына — міністр Ірана.

Біяграфія

Нарадзілася 22 сакавіка 1922 года ў Куме (Іран). Яе маці, Фахрэ-Афаг Парса, была рэдактарам першага іранскага жаночага часопіса «Джахан-е зэн» («Свет жанчыны») і змагаром за права жанчын на адукацыю. Па гэтай прычыне яна ў 1921 годзе разам з мужам Фарухдзінам Парсам была саслана пад хатні арышт урадам Ахмада Кавама ў горад Кум, дзе і нарадзілася Фарухру Парса. Праз некаторы час новы прэм’ер-міністр Хасан Мустоўфі дазволіў сям’і вярнуцца ў Тэгеран.

Атрымала медыцынскую адукацыю, пасля чаго ўладкавалася настаўніцай у Школу імя Жанны д’Арк, дзе выкладала ў тым ліку будучай імператрыцы Ірана Фарах Дыбэ.

У 1963 годзе Парса была абрана ў парламент Ірана і амаль адначасова пачала пісаць петыцыі шаху Махамеду Рэзе Пехлеві з просьбай даць іранскім жанчынам правы голасу, што было зроблена ў тым жа годзе пасля ўсенароднага канстытуцыйнага рэферэндуму. У 1965 годзе яна стала намеснікам, а ў 1968 годзе — Міністрам адукацыі Ірана.

Падчас Іранскай рэвалюцыі арыштавана і змешчана ў турму, а 8 траўня 1980 года была расстраляна.